Aktualitet

U filmuan duke folur për blerje votash për zgjedhjet e 14 majit, SPAK dërgon për gjykim 2 persona (EMRAT)

Bëhet fjalë për Kristo Agalliun dhe Agron Durajn, të cilët akuzohen për veprën penale të “Korrupsioni pasiv në zgjedhje”.

29 Shtator 2023, 10:14 Nga A.B
U filmuan duke folur për blerje votash për zgjedhjet e 14 majit, SPAK
Kristo Agalliu

TIRANË- SPAK përfundon hetimet dhe çon për gjykim dy të akuzuar për korrupsion zgjedhor të kapur para zgjedhjeve të 14 majit. Bëhet fjalë për Kristo Agalliun dhe Agron Durajn, të cilët akuzohen për veprën penale të “Korrupsioni pasiv në zgjedhje”.

SPAK thekson se në datën 09 Maj 2023, i pandehuri Agalliu i ka ofruar shuma monetare Duraj për të ndikuar në vullnetin e këtij të fundit, në mënyrë që të votojë një kandidat të caktuar në Zgjedhjet për Organet e Qeverisjes Vendore, që janë zhvilluar datën 14 Maj 2023.

NJOFTIMI I SPAK:

Në përfundim të hetimeve paraprake të procedimit penal nr.96 të vitit 2023, Prokuroria e Posaçme Kundër Korrupsionit dhe Krimit të Organizuar ka paraqitur para Gjykatës së Posaçme të Shkallës së Parë Për Korrupsionin dhe Krimin e Organizuar (në datën 27.09.2023) kërkesën për gjykim në ngarkim të pandehurve:

1. Kristo Agalliu, akuzuar për veprën penale të “Korrupsioni aktiv në zgjedhje”, parashikuar nga neni 328 i Kodit Penal.

2. Agron Duraj, akuzuar për veprën penale të “Korrupsioni pasiv në zgjedhje”, parashikuar nga neni 328/b i Kodit Penal.

Nga hetimi i këtij procedimi penal ka rezultuar se, në datën 09 Maj 2023, i pandehuri Kristo Agalliu i ka ofruar shuma monetare të pandehurit Agron Duraj për të ndikuar në vullnetin e këtij të fundit, në mënyrë që të votojë një kandidat të caktuar në Zgjedhjet për Organet e Qeverisjes Vendore, që janë zhvilluar datën 14 Maj 2023.

Agron Duro doli zbuluar pasi pak ditë para zgjedhjeve vendore të 14 majit, në mediat sociale u publikua video përmes të cilave të dyshuarit, flasin për shit-blerje të votave. Një prej tyre lidhet me një video të filmuar nga telefoni, të një personi, i identifikuar tashmë nga policia, bën haptazi pazar në kafe për shitjen e votës./Dosja.al

kristo agalliu agron duraj

Sondazh

Poll

MË SHUMË