Sport

Ismajli heroi i Empolit, i jep edhe një dorë Berishës në portë përballë Interit! - SHIHNI VIDEON

Sipas Tuttomercatoweb, Ismajli ishte më i miri i takimit dhe meriton notën 7. “Për aq kohë sa ishte në fushë, ishte më i miri. Berisha pësoi një gol sapo Ismajli doli. A është një rastësi?

24 Shtator 2023, 18:52 Nga DOSJA
Ismajli heroi i Empolit, i jep edhe një dorë Berishës në

ITALI - Një super ndeshje kanë zhvilluar lojtarët shqiptarë në përballjen e sotme mes Empolit dhe Interit. Tre lojtarë shqiptarë e nisën nga minuta e parë te Empoli, Berisha, Ismajli dhe për herë të parë e nisi si titullar, Shpendi.


Ismajli ka hequr një gol të sigurt në minutën e 9, si të ishte një portier në vend të Berishës, hoqi sferën që po shkonte në rrjetë. Në minutën e 51 do të largohej nga fusha për një dëmtim dhe në aksionin e parë, Di Marco realizoi një super gol.

Sipas Tuttomercatoweb, Ismajli ishte më i miri i takimit dhe meriton notën 7. “Për aq kohë sa ishte në fushë, ishte më i miri. Berisha pësoi një gol sapo Ismajli doli. A është një rastësi? Sigurisht që goli ishte meritë e madhe e cilësive të Di Marcos, por për 50 minuta Ismajli ishte më i miri në fushë dhe hoqi një gol të sigurt në pjesën e parë dhe e mbajti mirë Lautaron”, shkruan Tuttomercatoweb.

Nga krahu tjetër Berisha ka marrë notën e dytë më të lartë te Empoli, 6.5. Sa i përket performancës së Stiven Shpendit, sulmuesi vlerësohet me notën 6, një mesatare e mirë në këtë provë të vështirë.

B.T (Dosja.al)

Sondazh

Poll

MË SHUMË