Sport

Carlo Ancelotti ‘mbreti’ i ri i Real Madridit, parakalon ‘bëmat’ e francezit Zidane...

Mbrëmë, me fitoren "in extremis" në Champions League, italiani shtoi më tej epërsinë karshi Zidane.

21 Shtator 2023, 15:15 Nga DOSJA
Carlo Ancelotti ‘mbreti’ i ri i Real Madridit, parakalon

SPANJE - Italiani Carlo Ancelotti mbërriti te Real Madridi në vitin 2013 me një objektiv: "Décima" (Championsin e dhjetë)! Një synim që e përmbushi.

Në vitin e tij të parë, ai e bëri Real Madridin kampion të kompeticionit më elitar kontinental për klubet, duke fituar dopietë (Kupën e Mbretit dhe Champions League).

Që nga ai moment, Ancelotti bëri një vend në zemrat e të gjithë “merenguesve”. Megjithëse u shkarkua në vitin 2015, nga presidenti Florentino Pérez, i cili e kishte të qartë se çfarë duhet të bënte kur Zidane vendosi t’i jepte fund kohës si trajner i Real Madridit (2021): alternative ishte gati, të kthente italianin.

Zinedine Zidane ka qenë padyshim një nga trajnerët më të rëndësishëm në historinë e Real Madridit. Kur "Zizou" mori drejtimin e “los blancos” në sezonin 2015-2016, e ndryshoi fytyrën e ekipit të bardhë dhe fitoi Champions League, duke mposhtur Atlético Madridin në finale.

Më vonë do të shtonte edhe dy Champions League në "palmaresin" e Real Madridit, në sezonet 2016-2017 dhe 2017-2018. Francezi gjithashtu fitoi dy La Liga, dy Botërorë për Klube, dy Superkupa Evropiane dhe dy Superkupa Spanjole në krye të pankinës së real Madridit. Ai u largua nga klubi mbretëror madrilen me gjithsej 172 fitore si trajner.

Në ndeshjen e së dielës së kaluar, mes Real Madridit dhe Real Sociedad, Carlo Ancelotti e kaloi francezin, për t’u bërë trajneri i dytë me më shumë fitore te “los blancos” edhe pse ende larg liderit, Miguel Muñoz, një legjendë në "Bernabeu", që ka një total prej 357 fitore me skuadrën e bardhë.

Mbrëmë, me fitoren "in extremis" në Champions, italiani shtoi më tej epërsinë karshi Zidane. Gjithsesi, Ancelotti përballet me një handikap këtë sezon. Në verë humbi referencën e tij në sulm, Karim Benzema, dhe tani ka disa dëmtime të rëndësishme për t’i përballuar ndeshjet e para të La Ligas dhe Champions League.

E megjithatë, me ardhjen e Bellingham, trajneri italian Carlo Ancelotti ka mundur t’i kapërcejë vështirësitë e futbollit dhe të krijojë një sistem të ri lojërash, që po i japin Real Madridit rezultate befasuese.

B.T (Dosja.al)

Sondazh

Poll

MË SHUMË