Sport

VIDEO / I zakonshmi Belligham, shpëton sërish Realin e Madridit!

Skuadra Merenge mbajti kontrollin e lojës për një kohë të gjatë, por nuk arritën të gjenin rrjetën gjatë gjithë 90 minutave të kohës së rregullt, për ta fituar ndeshjen dhe thuajse shpresat për 3 pikët humbën për skuadrën e Ancelotit që priste minutat shtesë për të mbyllur takimin.

20 Shtator 2023, 22:46 Nga DOSJA
VIDEO / I zakonshmi Belligham, shpëton sërish Realin e Madridit!

SPANJE - Real Madrid fiton  1-0 në ditën e parë të Champions League 2023/24 . Merengët, në grupin e Napolit , mundën me vështirësi 1-0 Union Berlin falë golit të zakonshëm të Jude Bellingham në minutën e 94-të, pas dy shtyllave të goditura nga Rodrygo dhe Joselu . 

Skuadra Merenge mbajti kontrollin e lojës për një kohë të gjatë, por nuk arritën të gjenin rrjetën gjatë gjithë 90 minutave të kohës së rregullt, për ta fituar ndeshjen dhe thuajse shpresat për 3 pikët humbën për skuadrën e Ancelotit që priste minutat shtesë për të mbyllur takimin.

Pas një pjese të parë me shumë raste por pa mundur të finalizonin, në fillimin e pjesës së dytë, skuadra e Ancelottit iu afrua dy herë avantazhit, me dy shtyllat e goditura fillimisht nga Rodrygo dhe më pas Joselu. 

Me kalimin e minutave dukej se edhe fati ishte kundra spanjollëve përballë gjermanëve të Union Berlin. Por njeriu gol dhe shpresëdhënës për madrilenët në këtë sezon Jude Billigham u shfaq sërish atëherë kur më pak e prisnin të gjithë. Britaniku shënon në minutën e 94-t golin e fitores pas një goditje këndi, duke shpërthyer festën në “Santiago Bernabeu” pasi arritën të kalonin një pengesë që nuk e duk e vështirë në letër si Union Berlin, por që në të vërtetë reultoi të ishte ndryshe.


B.T (Dosja.al) 

 

Sondazh

Poll

MË SHUMË