Sport

"Ishte e vështirë të refuzoja rikthimin e Ronaldos, por doli që ishte e gabuar"

Në një intervistë për “Athletic”, Ole Gunnar Solskjaer ka folur ndër të tjera edhe për rikthimin e Cristiano Ronaldos në Manchester United, duke pranuar se ishte një gabim!

20 Shtator 2023, 15:57 Nga DOSJA
"Ishte e vështirë të refuzoja rikthimin e Ronaldos, por doli

ANGLI - Ylli portugez Cristiano Ronaldo u kthye në “Old Trafford” për herë të dytë në gusht 2021, por Ole Gunnar Solskjaer u shkarkua nga posti i trajnerit vetëm tre muaj më vonë. Dihej gjerësisht në atë kohë se Cristiano, i cili i kushtoi Juventusit 128.5 milionë paundë, iu nënshkrua me urdhër të nënkryetarit ekzekutiv Ed Woodward, pa dëshirën e trajnerit norvegjez.

Më pas, Solskjaerit iu kërkua të "përshtaste" CR7 me planet e tij dhe të menaxhonte gjithçka që sjell një transferim i tillë. Duke folur për “The Athletic” ai tha se... egot dolën në pah gjatë një serie katastrofike rezultatesh që i kushtuan atij vendin e tij. “Ishte një vendim shumë i vështirë për të refuzuar dhe ndjeva se duhej ta bënim, por doli të ishte i gabuar”, tha ai.

“U ndjeva shumë mirë kur ai nënshkroi dhe tifozët e ndjenë atë në atë ndeshje kundër Newcastle kur “Old Trafford” ishte në zjarr (Ronaldo shënoi dy herë në një fitore 4-1). Ai ishte ende një nga golashënuesit më të mirë në botë, dukej i fortë. Kur ke një ekip, duhet që të gjithë të tërhiqen në të njëjtin drejtim. Kur gjërat nuk shkonin mirë, pashë disa lojtarë dhe ego të dilnin jashtë rreshtit”.

Por më pas erdhi një ecuri shumë e dobët e rezultateve që vulosi... fatin e Solskjaerit në vjeshtën e 2021. Filloi me një humbje 1-0 në shtëpi ndaj Aston Villas, në të cilën Bruno Fernandes humbi një penallti. United më pas humbi 4-2 ndaj Leicesterit përpara se të shembet në mënyrë të turpshme në një humbje 5-0 në shtëpi ndaj Liverpoolit.

B.T (Dosja.al)

Sondazh

Poll

MË SHUMË