Sport

Jeta e dyfishtë e një ylli të madh futbolli. Bashkëshortja e tij e zbuloi tradhëtinë vite më vonë: "Dhimbja ishte e madhe"...

“Tradhëtia më lëndoi shumë”,- thotë ish-bashkëshortja e Gianluigi Buffon, Alena Seredova. Vite më vonë, ish-modelja çeke zbuloi një fakt të pakëndshëm nga jeta e portierit të famshëm. Miqtë fshehën gjithçka prej saj për një kohë të gjatë.

20 Shtator 2023, 17:00 Nga DOSJA

Jeta e dyfishtë e një ylli të madh futbolli. Bashkëshortja e

ITALI - “Unë ndalova së takuari”, - kujton ajo me keqardhje. Rrëfimi i saj është një gërvishtje e madhe në imazhin e bukur të portierit legjendar, të dashur nga miliona fansa.

Gianluigi Buffon është legjenda e padiskutueshme e futbollit italian. 45-vjeçari, i cili zyrtarisht i dha fund karrierës në gusht të këtij viti, prej vitesh u konsiderua si një profesionist i madh, një nga më të mirët në profesionin e tij. Ai luajti deri në 176 ndeshje për kombëtaren italiane. Ai gjithashtu luajti me sukses për Parman, Juventusin dhe PSG. 

Sidoqoftë, rezulton se biografia e tij nuk është aq e përsosur sa dukej. Në një intervistë për “Harper's Bazaar”, ish-bashkëshortja e tij Alena Seredova zbuloi diçka që mund të jetë një e metë e madhe në imazhin e tij.

Buffon dhe Seredova ishin çift nga 2005 deri në 2014. Ata u martuan vetëm në vitin 2011 dhe patën edhe dy fëmijë. Pas nëntë vitesh, Seredova zbuloi pse lidhja e tyre u prish.  Mësohet se futbollisti po mashtronte dhe miqtë e tij i dinin të gjitha. 

“Unë shkova në stadium për ta mbështetur dhe të gjithë e dinin tradhëtinë. Të gjithë të ashtuquajturit miq dhe të njohurit e mi të futbollit, më në fund më thanë se ata e dinin për lidhjen...

Unë nuk i shikoja më. Sot, duke pasur parasysh zhvillimin e situatës, mund të them vetëm faleminderit, por në atë kohë isha shumë nervoze”,- tha Seredova.

Edhe para se të ndahej me Seredova, portieri i famshëm ishte në lidhje me prezantuesen televizive Ilaria D'Amico, me të cilën është ende i lidhur. Lajmi për këtë ishte tronditës për çeken.  “Dhimbja ishte e madhe. Tradhëtia më lëndoi shumë”,- pranoi ajo.

Pse vendosi ta bënte një rrëfim të tillë vetëm tani Seredova? “Unë nuk jam nga ata që kërkojnë hak, por as që harrojnë”,- u përgjigj ajo. Modelja çeke gjithashtu shtoi se nuk kishte ndërmend të kritikonte publikisht ish-bashkëshortin e saj. “Përndryshe, djemtë e mi sot mund të lexojnë të këqijat që ka thënë nëna për babanë e tyre. Jam e bindur që nuk duhet ta bëj kurrë këtë edhe nëse plaga është e thellë”, shpjegoi ajo.

Ndërkohë mësohet se edhe Seredova ka gjetur një partner të ri, Alessandro Nasi, me të cilin u martua së fundmi. “U dashuruam me njëri-tjetrin dhe ndihemi mirë bashkë.  Bilanci i tre muajve të parë të martesës? Nuk ka ndryshuar shumë në shtëpi, kemi kohë që jetojmë bashkë. Por ne ende flasim si miq”, thotë ajo.

B.T (Dosja.al)

Sondazh

Poll

MË SHUMË