Aktualitet

24 arrestime në Itali! DETAJE: Banda drejtohej nga 2 shqiptarë, korrieri i arrestuar në Zvicër i ‘tradhtoi’ (EMRAT)

Hetimi fokusohet veçanërisht në dy grupe shqiptare. Ai që drejtohej nga 49-vjeçari Eduart Goseni dhe banda e Shkëlqim Lushës, 57 vjeç, banues në Peschiera Borromeo. 

14 Shtator 2023, 14:34 Nga f.i
24 arrestime në Itali! DETAJE: Banda drejtohej nga 2 shqiptarë,
foto ilustruese

ITALI- Detaje të reja janë zbardhur nga aksionit antidrogë të policisë italiane në operacionin e 13 shtatorit ku ranë në pranga 24 persona, raporton Corriere della sera.

Hetimi fokusohet veçanërisht në dy grupe shqiptare. Ai që drejtohej nga 49-vjeçari Eduart Goseni dhe banda e Shkëlqim Lushës, 57 vjeç, banues në Peschiera Borromeo. 

Pikënisja e hetimeve ishte arrestimi i korrierit Daniele Carra, 57 vjeç, në Zvicër me 5.9 kilogramë heroinë, i cili vendosi të bashkëpunojë me policinë. Mediat italiane citojnë një bisedë të Eduart Gosenit, me nënën e tij Dëshira Gosenin, e cila udhëtoi nga Shqipëria në Itali, pasi korrieri i arrestuar filloi të flasë.

Sipas policisë, Eduart Goseni, në njërin grup, koordinonte të gjithë zinxhirin e furnizimit. Në Milano gjithashtu ai ka pasur edhe një bazë prostitutash të shfrytëzuara nga grupi, ku shpesh vajzat nga lindja dhunoheshin e kërcënoheshin për të shkuar me klientët. Policia ka identifikuar tre prej tyre, duke përfituar nga mesazhet e zbardhura në platformën e koduar “SkyEç” të zbërthyer vitet e fundit nga një ekip hetuesish francezë, belgë dhe holandezë. Dy anëtarë të grupit të përgjuar thonë askush nuk mund të luant me Gosenin kur bëhej fjalë për dërgesat e drogës dhe pagesat. 

 

 

24 te arrestuar ne itali eduart goseni shkelqim lusha

Sondazh

Poll

MË SHUMË