Politike

Takimi me Metën, Berisha: Ramë në ujdi që të vazhdojmë përpjekjet në interesin më të mirë të Shqipërisë

Berisha deklaroi se bashkë me Metën ranë dakord që të bashkërendojnë përpjekjet në interesin më të mirë të Shqipërisë dhe shqiptarëve.

8 Shtator 2023, 12:56 Nga A.B
Takimi me Metën, Berisha: Ramë në ujdi që të
Sali Berisha

TIRANË- Kryetari i Partisë Demokratike, Sali Berisha komentoi takimin që bëri ditën e sotme me kreun e 'Partisë së Lirisë', Ilir Metën. Përballë gazetarëve, Berisha deklaroi se së bashku ranë dakord që të bashkërendojnë përpjekjet në interesin më të mirë të Shqipërisë dhe shqiptarëve.

FJALA E BERISHËS:

Por duhet të jemi realist, java nuk kishte vetëm lajme të zeza. Jo. Kishte një zhvillim jashtëzakonisht pozitiv. Kishte një takim të përbashkët të 43 deputetëve të opozitës. Të cilët u mblodhën në një takim shumë të rëndësishëm dhe morën vendime të cilat e kanë tronditur thellë establishmetin e drogës, krimit dhe korrupsionit.

Ju lutem qytetarë të dashur, për të kuptuar dallgët e tronditjes, lexoni pak titujt e medieve të qeverisë. Ato flasin shumë më tepër seç mund të flas unë sot për tronditjen e qeverisë. Duke përshëndetur edhe njëherë të gjithë deputetët pjesëmarrës në atë takim, vendimet që mori, dua të ju informoj se ekziston vullneti i plotë që ato takime të vazhdojnë dhe të jenë gjithnjë e më të frytshme në mënyrë që të rivitalizohet roli i opozitës në parlament dhe të mbrohen në parlament me vendosmërinë më të madhe interesat e popullit opozitar.

Siç e patë dhe vetë patëm një takim sot në mëngjes të frytshëm me kryetarin e PL-së, zotin Ilir Meta dhe zotin Petrit Vasili me të cilët diskutuam të gjitha problemet e opozitarizmit të sotëm parlamentar dhe jo parlamentar dhe ramë në ujdi që të bashkërendojmë përpjekjet tona në interesin më të mirë të Shqipërisë dhe shqiptarëve.

sali berisha ilir meta

Sondazh

Poll

MË SHUMË