Politike

Berisha i bën thirrje KE: Publikoni emrat e politikanëve që kanë mbajtur telefon të kriptuar për qëllime kriminale

Berisha kërkon nga Komisioni Europian që të zbardhë bisedat e politikanëve me grupet kriminale.

25 Gusht 2023, 12:34 Nga A.B
Berisha i bën thirrje KE: Publikoni emrat e politikanëve që
Sali Berisha

TIRANË- Kryetari i Partisë Demokratike, Sali Berisha kërkon nga Komisioni Europian që të zbardhë bisedat e politikanëve me grupet kriminale. Gjatë konferencës së përjavshme, kreu i PD shton se duhet që të bëhen publike të gjitha emrat e personave, qoftë dhe politikanë, që kanë mbajtur telefon të kriptuar për qëllime kriminale.

DEKLARATA E BERISHËS:

Kanë ardhur, siç e keni dëgjuar, 8 mijë e 500 faqe biseda të dekriptuara. Këto biseda dëshmojnë krimet e tmerrshme, pazaret me kriminelët. Dy prokurorët që kanë kaluar vetingun me para të krimit, marrin kriminelin në telefon dhe i thonë se OFL-ja ka ardhur dhe do të sekuestrojë pronat.
Dhe ai ua kthen me të njëjtën gjuhë. Këta janë Xhevahirët e prokurorisë.
Dhe që të gjitha këtu, nuk ka diskutim që kanë një kokë dhe kjo kokë është strikt Edi Rama, i cili erdhi në pushtet me krimin dhe sot sundon vetëm nga krimi.
Në Policinë e Shtetit, pozicionet kyçe në tërësi janë të zëna nga krimi.
Ardi Veliu është figura qendrore e krimit në Policinë e Shtetit. Me dokumenta, të denoncuara nga qytetarët shqiptarë në mënyrë të përsëritur, me dokumente të sjella nga drejtësia italiane.
Ndaj i bëj thirrje Komisionit Europian, që të zbardhen bisedat e politikanëve me grupet kriminale.
Të publikohen një për një emrat e të gjithë personave të politikës ose jo, që kanë mbajtur telefon të kriptuar për qëllime kriminale.
Kjo do ishte një ndihmë jashtëzakonisht e madhe. Por çfarëdo që të bëjnë partnerët tanë, nëse nuk ngrihemi në protesta për të rrëzuar këtë regjim të bazuar në krimin, drogën, korrupsionin, vrasjet, të ardhme në këtë vend nuk ka.

sali berisha

Sondazh

Poll

MË SHUMË