Bota

Donte t’i prezantonte gruan babait, zhduket pa lënë gjurmë i riu, i ati e vdes duke e pritur

18 Tetor 2019, 20:47 Nga DOSJA
Donte t’i prezantonte gruan babait, zhduket pa lënë gjurmë

Pesë ditë nga zhdukja e 23-vjeçarit nga Lipjani, nuk ka asnjë lajm. Familja në pritje të Shqipdonit goditet nga vdekja e babait të tij, raporton T7.

Të dielën u nis me një kombi-bus për në Lipjan. E më pas, Shqipdon Aliu do të udhëtonte për në Prishtinë për ta takuar të dashurën. 23 vjecari donte që nusen e tij të ardhshme ta njoftonte me babain, i cili po vuante nga kanceri.

Por, që nga ajo ditë nuk dihet se ku ndodhet i riu nga Gadimja.

E 4 ditë pas zhdukjes se tij, familja Alija nga fshati Gadime pësoi edhe nje tragjedi. Te ënjten vdiq Nevzat Alija, babai i Shqipdonit. Të ndjerit nuk i kishin treguar për zhdukjen e djalit, për shkak të gjendjes shëndetësore.

Familjarët që po prisnin njerëz për ngushllime, nuk deshën të flisinin para kamerës, mirëpo televizionit T7 i thanë se se nuk mund t’i dinë arsyet e zhdukjes së djalit të tyre.

Pos tjerash, thanë se Shqipdoni asnjeherë nuk ka sjellë probleme në shtëpi.

Se Shqipdoni ishte djalë i qetë e thotë edhe menaxheri i lokalit, ku qëndronte shpesh 23-vjeçari.

Policia e Kosovës është në kërkim të Shqipdonit. Në stacionin policor në Lipjan, për T7 kanë thënë se Shqipdoni nuk e ka asnjë rast. Ndonëse kanë kaluar 5 ditë, ende nuk kanë ndonjë informacion se ku ai mund të ndodhet.

Megjithatë, ajo që di policia është se 23-vjecari nuk ka dalë jashtë Kosovës.

Marrë nga Gazeta Ekspress

(k.m./dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

rajoni rajoni lipjan shqipdon aliu lipjan shqipdon aliu

Sondazh

Poll

MË SHUMË