Sport

Futbolli saudit ëndërron të fusi “këmbën” në Champions League!...

Arabia Saudite dëshiron të arrijë në majat e futbollit botëror.

17 Gusht 2023, 11:11 Nga DOSJA

Futbolli saudit ëndërron të fusi “këmbën”

ARABIA SAUDITE - Qeveria, në kuadër të politikës së saj të hapjes, ka vendosur të fokusohet te futbolli. Qindra miliona euro, prania e figurave të mëdha dhe tani kërkon famë edhe në nivel konkurrues. Për javë të tëra thashethemet treguan për kërkimin e marrëveshjeve të mundshme në garën e furishme të nisur nga Liga Saudite, për të qenë në qendër të vëmendjes së futbollit botëror.

Thashethemet e ditëve më parë u bënë lajm dje, kur Italia i bëri jehonë mundësisë që kampioni i Ligës Saudite të mund të merrte pjesë në Champions League, diçka që muaj më parë do të ishte konsideruar e pamundur nga të gjithë. Pas asaj që ndodhi dhjetorin e kaluar, me kalimin e Cristiano Ronaldos, gjithçka që rrethon Arabinë Saudite dhe botën e futbollit, mund të konsiderohet e mundshme.

E vërteta është se drejtuesit e UEFA-s dhe ata të futbollit saudit kanë folur në raste të ndryshme, por opsioni që kampioni i vendit arab të marrë pjesë në Champions League është ende në pragun e të pamundurës, të paktën në vitet e ardhshme. Në këtë dialog është folur edhe për krijimin e një lloj konkurrence për të shpërblyer kampionin e futbollit që po rezulton shumë serioz.

Messi dhe Libertadores si shembull

Në ditët në vijim mund të bëhet e ditur rikthimi i skuadrave të Concacaf në Copa Libertadores. Prezenca e Messit në MLS është pretendimi kryesor, i cili krahasuar me atë të Cristiano Ronaldos, Benzema apo Neymar, në Ligën Saudite mund të ketë konotacione të ngjashme. Nuk do të ishte hera e parë që kompeticioni kryesor i Amerikës së Jugut fton ekipe nga vende të tjera, një ekstrem që UEFA nuk po e merr në konsideratë në afat të shkurtër.

Po, është e vërtetë që organi më i lartë i futbollit europian po kërkon lloj-lloj formulash për ta bërë produktin më fitimprurës dhe mes tyre është folur për krijimin e një super turneu në Shtetet e Bashkuara të Amerikës në formën e një Superkupe, një projekt që tashmë është në zhvillim e sipër. Për momentin, prania saudite duket e largët, por është e vërtetë që ka bisedime.

B.T (Dosja.al)