Politike

‘JO’-ja e negociatave, Tabaku komenton vendimin e BE: Dështim personal i Ramës

18 Tetor 2019, 14:27 Nga DOSJA
‘JO’-ja e negociatave, Tabaku komenton vendimin e BE: Dështim

TIRANË– Jorida Tabaku komentoi për Syri.net vendimin e BE për të mos nisur negociatat me Shqipërinë.

Gjatë intervistës Tabaku se vendimi nuk është për Shqipërinë, por është vetëm për Edi Ramën.

“BE na ka shtuar kushte të reja, të paprecedenta, në mënyrë që ne t’i bashkohemi BE-së. Këto kushte lidhen me Ramën – nisja e menjëhershme e procedimeve penale ndaj gjithë atyre që dyshohen se janë përfshirë në blerjen e votës dhe manipulimit të zgjedhjeve.”- u shpreh zonja Tabaku. Ish deputetja tha se qëllimi kryesor i politikës së jashtme shqiptare për një gjeneratë të tërë ka qenë bashkimi me BE. “Tani, që i kemi shkuar kaq afër dhe kur shumë nga fqinjët tanë i janë bashkuar, Shqipëria mbahet peng nga një njeri. Nga korrupsioni i tij. Me manipulimin e zgjedhjeve prej tij. Dhe nga lidershipi i tij i dështuar.”- u shpreh Tabaku.

Pyetje: Si e komentoni vendimin e BE?

Jorida Tabaku: Do të kishte qenë shumë mirë për ne të kishim një PO, por ne duhet të zbatojmë disa kritere minimale. Kryeministrat europiane flasin se në Shqiëpri janë përqendruar të gjitha pushtetet në një dorë. Nuk ka faj Europa pse grupet kriminale shqiptare, janë bërë problem në BE, pse këtu vidhen zgjedhjet, pse këtu vjedh qeveria dhe qytetarët largohen dhe kërkojnë azil. Rruga e integrimit është e lidhur në mënyrë të pashmnasghme me largimin e Ramës. Vetëm nëse largohet ai, mund të plotësoshe kushtet për të nisur bisedimet dhe mund të kthehet shpresa. Mund ti themi jo vjedhjes së zgjedhjeve dhe të vazhdojmë rrugën e integrimit.

Pyetje: Rama thotë se nuk janë 9 kushte, por janë 1 mijë kushte që duhen për integrimin.

Jorida Tabaku: Nuk dua të komentoj Ramën, por zoti Rama vjet festoi hapjen e negociatave, para dy javësh tha se Bundestagu nuk ka kushte dhe do të nisin bisedimet për kapitujt e negociatave, në 2016-ën Rama tha se do të hapen negociatat. Duhet të merremi me punë reale dhe jo me propagandë. Rama duhet të vendosë të parin prioritetin kombëtar për integrimin dhe jo të ketë prioritet pushtetin e tij personal. Sepse ai është pengesa kryesore për procesin. Nëse nuk do të ishte Rama, sot nuk do të ishim të përfshirë në dokumentin e Bundestagut si vend bazë për drogërat e forta, nuk do të përmendeshim nga OSBE ODIHR si vend që nuk ka më standard për zgjedhje të lira e të ndershme dhe nuk do të kishim kusht që të nisnin procedime penale për ata që kanë vjedhur zgjedhjet. Edi Rama duhet të merrte sot përgjegjësi.

Pyetje: A ndikon reforma e Bashkimit Euriopan?

Jorida Tabaku: Jo, sepse liderët europianë po flasin për Shqipërinë si një vend me kriminalitet, që prodhon krim, që nuk ka institucione të pavarura, që mungojnë gjykatat, mungojnë zgjedhjet e lira. Nuk është një çështje e politikës gjeostrategjike.

Pyetje: Ka një lajm të konfirmuar se kryeministri i Maqedonisë ka dhënë dorëheqjen.  Keni një koment?

Jorida Tabaku: Dorëheqja e Zaev, është një akt prej shtetari. Shpresoj që Rama të reflektojë dhe të japë dorëheqjen. Duhet të jetë një sinjal shumë i mirë edhe për rrugën që duhet të ndjekë Edi Rama. E vetmja mënyrë është largimi i tij që Shqipëria të vazhdojë rrugën e Bashkimin Europian. Është në të mirë të Shqipërisë, që dokuemnti I Bundestagut me 9 kushtet të bëhet një udhërrëfyes për një qeveri të rë tranzitore, pa Edi Ramën që Shqipëria të sigurojë plotësimin e kushteve për në Bashkimin Europian dhe të zhvillojë zgjehdje të lira e të ndershme.

Dështojnë negociatat për Shqipërinë dhe Maqedoninë e Veriut. Donald Tusk konfirmon lajmin se në samitin e sotëm nuk pati diskutime për negociatat për Shqipërinë dhe Maqedoninë e Veriut pasi pas diskutimeve nuk arrit një “Po”.  Pritet që në orët në vijim që KE të shpallë përfundimet.

(a.m./dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike dështojnë negociatat me be-në jorida tabaku dështojnë negociatat me be-në jorida tabaku

Sondazh

Poll

MË SHUMË