Politike

BE “Jo” zyrtare për negociatat, Macron: S’jemi gati për të hapur dyert. Merkel: Iu kthye shpina Shqipërisë e Maqedonisë

  • ‘Jo’ nga BE për negociatat. Zaev drejt largimit, opozita do zgjedhje të parakohshme
  • Rama: Bëmë gjithçka kërkuan! Franca s’do zgjerimin, Macron nxjerr bishta
  • “Euroaktiv”: Franca, Danimarka me Holanda kundër hapjes së negociatave
  • Mediet italiane: Franca s’ndryshon qëndrim, "Jo" hapjes së negociatave për Shqipërinë
  • Dështojnë negociatat për Shqipërinë dhe Maqedoninë e Veriut. Donald Tusk konfirmoi se pas diskutimeve të gjata nuk nuk vendos për një "PO". Pritet që në orët në vijim që KE të shpallë përfundimet. Meta: Mos humbisni shpresën asgjë nuk ka përfunduar. Hahn: Vendimi është një zhgënjim, BE nuk mbajti premtimin.
    Featured image of article: BE “Jo” zyrtare për negociatat, Macron: S’jemi gati për të hapur dyert. Merkel: Iu kthye shpina Shqipërisë e Maqedonisë Merkel dhe Makron
    Përditësuar:

    BRUKSEL- Mbyllet kapitulli i negociatave, Shqipëria dhe Maqedonia e Veriut dështojnë.  Presidenti i Këshillit të Europës, Donald Tusk, ka konfirmuar lajmin se në samitin e sotëm nuk pati diskutime për negociatat për Shqipërinë dhe Maqedoninë e Veriut pasi gjatë debateve dje nuk është arritur për një “Po” për të dy vendet.  Pritet që në orët në vijim, KE të shpallë konkluzionet.

    Për këtë vendim Presidenti Ilir Meta është shprehur se nuk duhet të humbet shpresa, pasi asgjë nuk ka përfunduar.  Ndërsa Johannes Hahn ka four me tone të ashpra, pasi është shprehur se vendimi është një zhgënjim dhe BE nuk mbajti premtimin.

    I menjëhershëm ka qenë reagimi i Zoran Zaev i cili është shprehur se Maqedonia e Veriut është më e fortë dhe tashmë ka si synim NATO-n.

    Ky lajm u parapri nga mediet italiane të cilat shkruan se pas debateve të ashpra mes liderëve të BE-së që  në Bruksel, nuk u arrit që të bindej Presidenti francez Macron dhe dy shtetet e tjera si Holanda me Danimarkën. Franca ka cituar arsyet procedurale për bllokimin e të dy vendeve, duke argumentuar se i gjithë sistemi i pranimit në BE ka nevojë për një rregullim. Por Parisi gjithashtu e ka të qartë pikëpamjen e tij se Maqedonia e Veriut dhe Shqipëria nuk janë të gatshme të fillojnë procesin e anëtarësimit në BE. Conte pas këtij vendi u shpreh se  mbledhja e djeshme do të mbahet mend si një gabim historik, pasi Europa duhet të merrte pranë vetes vende si Shqipëria dhe Maqedonia e Veriut.

    Një ditë më parë Presidentja e Zgjedhur e Komisionit Evropian, Ursula von der Leyen, u shpreh se negociatat janë vështirë për t’u hapur tani në tetor. Ajo në një deklaratë shtoi se shanset për një “Po” sot janë të vogla. Ndryshe mendonte Presidenti i PE, David Sassoli, i cili në një deklaratë për mediet dje  u shpreh se është shpresëplotë që sot të çelet drita jeshile, pasi sipas tij Shqipëria dhe Maqedonia e Veriut kanë punuar dhe i kanë përmbushur detyrat e tyre.

    Tashmë Maqedonia e Veriut dhe Shqipëria duhet të presin për aspiratën e tyre evropiane. Nuk dihet ende se kur mund  të bëheni pjesë e Europës, apo se kur do të nisë procesi të t;u bërë pjesë e familjes europiane.

    J.V/Dosja.al

    • 17:36

      Hajdari: Qeveria të reflektojë për dokumentin e KE

      Kryetarja e Grupit Parlamentar Demokrat, Rudina Hajdari, ka reaguar pas dështimit për të marrë një datë për hapjen e negociataveNë një reagim në Facebook, Hajdari shprehet se është për të ardhur keq që shpresa e shqiptarëve për të qenë  afër Evropës është shtyrë sërish.

      Sipas deputetes demokrate kushtet e Bundestagut dhe rekomandimet e KE duhet parë mirë nga politika shqiptare. “Të gjitha këto masa që do merren, duhet të konsultohen sa më shpejt me institucionet kushtetuese dhe të monitorohen hap pas hapi. Ky plan veprimi duhet të ketë koston buxhetore reale për mbështetjen e këtij procesi”, shton Hajdari.

      Rudina Hajdari, deputete

      REAGIMI I PLOTË

      Vendimi i Këshillit Europian për hapjen e negociatave, siç ju të gjithë e dini tashmë, është negativ edhe këtë vit dhe vjen për të disatën herë. Është për të ardhur keq që shpresa e shqiptarëve për të qënë një hap më afër Europës shtyhet për një moment tjetër. A ka ndonjë përgjegjës në këtë vënd për përkeqësimin e situatës politike dhe ekonomike? Përparësitë që ne duhet të kemi shtohen gjithnjë e më shumë. Pesë prioritetet e Komisionit Europian, vijojnë me 9 kushtet e Bundestagut, shtohen me Azilkërkuesit në Francë.

      Sot Zoran Zaev njoftoi dorëheqjen nga posti i Kryeministrit të Maqedonisë së Veriut. Kjo është ceshtje morali politik dhe përgjegjësie e lartë institucionale. Po këtu tek ne a ka moral politk dhe përgjegjësi institucionale minimale? Sot është e rëndësishme që Qeveria Shqiptare, Kuvendi i Shqipërisë dhe institucionet e tjera kushtetuese dhe të krijuara me ligj, të marrin në dorë përfundimet e Këshillit Europian, të reflektojnë seriozisht mbi çfarë përmban ky dokument.

      Çdo fjali e këtij dokumenti është një udhëzues i mirë për politikat e ardhshme, prandaj i kërkoj qeverisë shqiptare të marrin masat e menjëhershem që të hartojë një plan të detajuar masash, për të gjitha pikat e këtij dokumenti, duke përfshire shqetësimet e secilit prej vendeve anëtare që kanë qënë kundër hapjes se negociatave të Bashkimit Europian me Shqipërinë. Të gjitha këto masa që do merren, duhet të konsultohen sa më shpejt me institucionet kushtetuese dhe të monitorohen hap pas hapi. Ky plan veprimi duhet të ketë koston buxhetore reale për mbështetjen e këtij procesi.

      Plani duhet të përmbajë hapa konkret, dhe proaktive sikurse edhe e rekomandojnë të gjitha dokumentat e organeve të Bashkimit Europian pë Shqipërinë. Kuvendi i Shqipërisë së shpejti do të fillojë shqyrtimin e Buxhetit të Shtetit për vitin 2020. Në këtë buxhet duhet të specifikohet qartë si do të përballohen shpenzimet për përmbushjen e këtyre detyrimeve.

      Kuvendi i Shqipërisë duhet të monitoroje në detaj çdo masë të marrë nga qeveria dhe duhet të kërkojë nga ajo rezultate konkrete. Qeveria dhe institucionet e tjera kushtetuese duhet të sjellin në vemendje se diskutimi “është në mirë të Europës apo jo”, nuk është i frytshëm por standarti europian është udhërrefues për mirëqënien e çdo qytetari shqiptar, i cili duhet të jetë i barabartë para ligjit me çdo qytetar tjetër të këtij vendi, pa asnjë dallim.

      Tashmë është e qartë në të gjitha aspektet, si politike ashtu edhe ekonomike e sociale, si brenda vendit dhe jashtë vendit se çfarë pritet nga ne. Prandaj angazhimi duhet jetë serioz dhe jo deklarativ. Duhet të ulemi në tryezë të flasim për cdo pikë, pa dallimi politike, apo të cdo lloj përkatësie tjetër, ku në qëndër të vëmendjes duhet të mbajmë qytetarin shqiptar, familjet shqiptare, fëmijët e këtij vendi dhe duhet të pyesim çfarë të ardhme po i japim? Hyjmë apo nuk hyjmë në Europë, për mua ka rëndësi qytetari dhe në qoftë se vendosim në plan të parë atë, ju siguroj që dera e Europës do të jetë e hapur.

    • 17:32

      Shqipëria dështoi me negociatat, Basha njofton bashkëbisedim me gazetarët

      Kryedemokrati Lulzim Basha pritet të mbajë një bashkëbisedim me gazetarët.

      Ky bashkëbisedim pritet të mbahet rreth orës 18:30 dhe në fokus të bisedimit do të jetë dështimi i Shqipërisë me negociatat.

      Lulzim Basha
    • 17:12

      Këshilli Evropian nxjerr dokumentin: Çështja e negociatave do të diskutohet në maj 2020

      Komisioni Evropian në mbledhjen e zhvilluar mbrëmë vendosi që të mos hapte negociatat me Shqipërinë dhe Maqedoninë e Veriut. Sot vendimi është bërë publik dhe zyrtar nga BE, ku shkruhet se për negociatat tani do të flitet vetëm pas samtitit që do të zhvillohet në maj 2020 në Zagreb.

      Në një dokument të publikuar sot, shkruhet KE se do t’i rikthehet çështjes së zgjerimit përpara BE-Ballkanit Perëndimor samiti në Zagreb në maj 2020. Po ashtu dhe Presidenti i Këshillit të Evropës, Donald Tusk, se fatkeqësisht, disa shtete anëtare nuk janë ende gati. “Kjo është arsyeja pse ne nuk kemi arritur të marrim një vendim pozitiv. Personalisht, mendoj se ishte një gabim, por nuk do ta komentoj më tej”, shkruan Tusk.

      Dokumenti i KE

      DEKLARATA E PLOTË E TUSK

      Mbrëmë udhëheqësit diskutuan për zgjerimin. Shumica dërrmuese dëshironte të hapte bisedimet e pranimit me Maqedoninë e Veriut dhe Shqipërinë. Sidoqoftë, një vendim i tillë kërkon unanimitet, dhe nuk pati unanimitet dje. Kjo është arsyeja pse BE do t’i rikthehet kësaj çështje para samitit të Zagrebit në maj të vitit 2020.

      Më lejoni të jem shumë e qartë: Maqedonia e Veriut dhe Shqipëria nuk janë fajtorë për këtë. Dhe raportet e Komisionit janë gjithashtu të qarta se të dyja këto vende bënë atë që u kërkua të bënin. Dhe miratimi i Marrëveshjes së Prespës ishte një arritje vërtet e jashtëzakonshme. Kështu që të dy vendet kanë të drejtë të fillojnë negociatat e BE-së që nga sot. Ata janë gati. Fatkeqësisht, disa shtete anëtare nuk janë ende gati. Kjo është arsyeja pse ne nuk kemi arritur të marrim një vendim pozitiv. Personalisht, mendoj se ishte një gabim, por nuk do ta komentoj më tej.

      Sot do të doja t’ju dërgoja një mesazh miqve tanë maqedonas dhe shqiptarë: ju lutem mos u dorëzoni. Unë e kuptoj plotësisht zhgënjimin tuaj, sepse keni bërë pjesën tuaj dhe ne nuk kemi. BE është një entitet politik i ndërlikuar dhe është e vërtetë që nganjëherë duhet shumë kohë për të vendosur. Por nuk kam dyshim absolutisht se një ditë do të bëheni anëtare të plota të Bashkimit Evropian.

      Sot udhëheqësit diskutuan gjithashtu përparësitë e Komisionit të ri me Presidentin e zgjedhur von der Leyen, si dhe buxhetin e ardhshëm të BE-së. Ishte një diskutim i rëndësishëm që do të vazhdojë në muajt në vijim. Sidoqoftë, pa Jean-Claude dhe unë rreth tryezës së Këshillit Evropian, siç e dini. Në këtë shënim, dua të falënderoj Jean-Claude, kolegun dhe mikun tim, për miqësinë tonë, për besnikërinë dhe solidaritetin tuaj dhe për bashkëpunimin tonë vërtet të shkëlqyeshëm. Dhe gjithashtu dua t’ju falënderoj, mediat, për pyetjet tuaja të vështira por të drejta, për durimin tuaj, për qëndrimin kaq vonë me ne. Dhe për të qeshur në disa shaka tona. Asnjëherë qesharake, sinqerisht të folur. Faleminderit për gjithçka.

    • 16:38

      Rama njofton konferencë për mediat: Pas pak

      Pasi dështimit për të marrë një “Po” nga BE për hapjen e negociatave, kryeministri Edi Rama dhe ministri i Jashtëm në Detyrë, Gent Cakaj do të dalin në një konferencë të përbashkët për shtyp në orën 17:00.

      Ka qenë Rama që ka njoftuar këtë konferencë, ku shkruan në një reagim në Facebook, se do të sqarohen të gjitha çështjet.

      Edi Rama

      REAGIMI I RAMËS

      Pas pak, në konferencë për shtyp mbi dështimin e konsensusit në Këshillin Europian, lidhur me çeljen e negociatave për anëtarësim me Shqipërinë e Maqedoninë e Veriut; konkluzionet e liderëve europianë pas përfundimit të raundeve të Këshillit; objektivat e kësaj faze të re në rrugëtimin që vazhdon🇦🇱 Live edhe në ERTV😊 natyrisht.

    • 16:28

      S’jeni fajtorë, një ditë do të bëheni anëtarë të BE

      Ambasadori i Bashkimit Evropian në Shqipëri, Luigi Soreca, ka reaguar pas përgjigjes negative nga Komisoni Evropian për Shqipërinë dhe Maqedoninë e Veriut.

      Luigi Soreca, ambasador i BE në Shqipëri

      Në një reagim në mediat sociale, Soreca duke cituar Donald Tusk-un, shkruan se këto dy vende nuk janë fajtore për këtë përgjigje negative duke shtuar se një ditë ato do jenë pjesë e uninit me të drejta të plota.

      “Maqedonia e Veriut dhe Shqipëria nuk janë fajtorë për këtë… Sot do të doja t’u dërgoja një mesazh miqve tanë dhe: ju lutem mos hiqni dorë… Unë nuk kam asnjë dyshim absolutisht se një ditë do të bëheni anëtarë të plotë të Bashkimit Evropian”, shkruan Soreca.

    • 15:31

      Pas ‘JO’-së negociatave, jep dorëheqjen kryeministri Zoran Zaev

      Zoran Zaev

      Kryeministri i Maqedonisë së Veriut, Zoran Zaev, ka dhënë dorëheqjen.

      Lajmi bëhet i ditur nga agjencia e lajmeve ‘’ANSA’’, e cila e ka mësuar lajmin nga burimet e saj diplomatike në Samitin e Këshillit të Europës.

      Zaev nuk ka pritur aspak mirë vendimin e KE-së për çështjen e bisedimeve për integrimin e Shqipërisë dhe Maqedonisë së Veriut.

      Kryeministri më herët kishte paralajmëruar dorëheqjen nëse Maqedonisë së Veriut nuk do ti hapeshin negociatat me BE-në.

      Nga Shkupi ende nuk ka konfirmim zyrtar, ndersa mediat shkruajne se po shqyrtohen të gjitha opsionet.

    • 15:31

      Dështimi i negociatave/ Apeli i Tusk: Mos u dorëzoni, një ditë do të bëheni në BE.Juncker: Jam i zhgënjyer

      Jean-Claude Juncker dhe Donald Tusk

      Kreu i Këshillit Europian, Donald Tusk në një deklaratë për mediat i ka bërë thirrje Shqipërisë dhe Maqedonisë së Veriut që të mos dorëzohen, pasi sipas tij e kanë bërë punën e tyre.

      Tusk shtoi se është e sigurt që një ditë dy shtetet do anëtarësohen në BE.

       ‘Pjesa më e madhe e vendeve janë pro-hapjes së negociatave, por nuk pati unanimitet. Duhet të arrinim unanimitetin. Do t’i rikthehemi kësaj çështjeje në maj. Nuk e kanë fajin Shqipëria dhe Maqedonia e Veriut. Ju lutem mos u dorëzoni sepse ju e bëtë punën tuaj. Është e vërtetë që nga njëherë kërkohet shumë kohë për të vendosur. Është e sigurt që një ditë do të bëheni anëtare me të drejta të plota”, deklaroi kreu i KE-së Tusk.

      Ndërsa presidenti i Komisionit Europian, Junker tha se është i zhgënjyer në lidhje me rezultatet.

      Jean-Claude Juncker: “Jam i zhgënjyer në lidhje me rezultatet. Popujt e dy vendeve janë zhgënjyer nga vendimi për moshapjen e negociatave.”

    • 15:31

      “JO”-ja për negociatat/ Flet Macron: Shqipëria ka bërë progres, por ka probleme me emigrimin, s’jemi gati për të hapur dyert

      Përmes një konference për mediat nga Brukseli, presidenti i Francës, Emanuel Macron deklaroi se Shqipëria ka bërë progres, por jo sa duhet. Kjo sipas tij është arsyeja pse Franca nuk dha “OK” për vendin tonë.

      “Është bërë progres nga Shqipëria, por jo sa duhet. Patëm një diskutim të gjatë. Pas reformave tona, do të vazhdojmë me zgjerimin. BE ka probleme të brendshme. Shqipëria po kalon disa reforma të mëdha. Nëse hapim dyert, mund të na refuzojnë për këtë. Të reformojmë BE na duhet strategji dhe besueshmëri”, theksoi Macron gjatë konferencës për mediat.

      Dua të besoj për një Europë të përgjithshme. Shqipëria po kalon në disa reforma të mëdha dhe të gjitha këto reforma në kuadër të emrit të vendit të tyre. Ne e pranojmë që është bërë progres, por i gjithë progresi i duhur nuk është ende, ka disa situata që nuk janë ende të kontrolluara, ka probleme me emigrimin.  Si t’ua shpjegoi francezëve që Shqipëria është vendi i dytë azilkërkues në Francë. Shqipëria konsiderohet vend i sigurt dhe numrin e azilkërkuesve nuk mund ta shpjegojmë. Kemi probleme me numrin e e azilkërkuesve. Nuk mund të bëjmë gjëra që është e pamundur që francezët t’i kuptojnë. Çështja e emigrimit nuk është vetëm në Shqipëri, por ka disa vende që kanë një problem të tillë, janë probleme që duhen rregulluar. Ka disa kushte që nuk plotësohen. Duhet gjetur zgjidhja e duhur që është e lidhur me principet tona. Kjo është një çështje për Shqipërinë dhe duhet zgjidhur, por nuk është kjo arsyeja kryesore për qëndrimin e Francës. Diskutimi im ishte i dobishëm mbi të gjitha për vizionin e Europës. Në fakt Bashkimi Europian ka disa probleme të brendshme, por para se të ndodhë procesi i zgjerimit ka nevojë për reformim të brendshëm.

      Dihet që nëse nuk i hapim derën këtu, ndoshta nuk do të ketë përpjekje, por prapë kjo nuk mjafton. Duhet të finalizojmë reformat tona. Nëse ne do të vijojmë me reformat tona, atëherë mund të vijojmë më tej me procesin e zgjerimit, pasi nuk mjaft thjesht hapja e dyerve ndaj këtyre vende. Duhet parë se ku qëndrojnë këto vende të cilat kërkojnë të bëhen pjesë e BE-së. Duhet t’i shohim këto vende që janë në proces. Duhet parë patjetër hapat e mëtejshëm se çfarë mund të bëjmë me këtë axhendë, procesi duhet parë i gjithi”, tha Macron, teksa vuri në dukje se një ndër problemet kryesore është ai i emigrimit.

      Gjithashtu Macron komentoi edhe çështjen e BREXIT me Britaninë. Ai tha se më në fund është arritur një marrëveshje. “Duhet ti qëndrojmë besnik datës 31 tetor për largimin e Britanisë. Johnson u kritikua por marrëveshjen e arriti. Më në fund gjetëm një marrëveshje me Britaninë”, u shpreh ai.

    • 15:31

      Vendimi i BE për negociatat/ Merkel: Dëshpëruese, iu kthye shpina Shqipërisë dhe Maqedonisë

      Kancelarja gjermane Angela Merkel shprehu keqardhje për vendimin negativ të dalë nga samiti i krerëve të shteteve të Bashkimit Europian për nisjen e bisedimeve për anëtarësim për Shqipërinë dhe Maqedoninë e Veriut.

      Merkel theksoi se tre vendet si: Franca, Holanda dhe Danikmarka janë shumë të prera në qëndrimin e tyre.

      “Kur diskutuam hapjen e negociatave, fatkeqësisht nuk ishim në gjendje të arrinim një marrëveshje me Shqipërinë dhe Maqedoninë e Veriut. 

      Më vjen shumë keq për këtë vendim.   Pozicioni i Gjermanisë ka qenë për të nisur bisedimet, nëse do të përmbusheshin disa kushte, por nuk arritëm unanimitet mbi këtë çështje.

      Do të vazhdojmë të diskutojmë këtë temë dhe kemi rënë dakord që para samitit e Zagrebit viti do t’i rikthehemi kësaj çështjeje.

      Duhet të pranojmë që Maqedonia ka bërë shumë me çështjen e emrit. Edhe Shqipëria ka bërë shumë, merrni për shembull çështjen e vetting-ut. Por nuk arritëm të kishim vendim unanim për përarimet që kanë bërë.

      Kur sheh hartën, e kupton se sa e rëndësishme që është këto vende të bëhen pjesë e Bashkimit Europian”,- tha Merkel.

    • 13:44

      Lleshaj nga Dropulli: Holanda mban qëndrim politik, çështja e negociatave nuk ka përfunduar

      Ministri i Brendshëm Sandër Lleshaj ishte sot në Dropull, nga ku u bëri thirrje të gjithë qytetarëve që të aplikojnë për pajisjen me kartat e identiteti dhe me pasaportat biometrike.

      I pyetur në lidhje me vjedhjet që ndodhin në këtë zonë, Lleshaj tha se policia do të merret më shumë me çështjen e sifurisë në këtë vend.

      Dua të ftoj të gjithë qytetarët që të përshpejtojnë aplikimin për pasaporta biometrike. Ky proçes duhet të marrë fund dhe qytetarët të pajisen me kartat e tyre. Në Dropull kam ardhur jo vetëm për këtë por edhe për të shprehur mirënjohjen time për këtë vend të qytetëruar, pasi është lidhja jonë me Greqinë.

      Kur them që Dropulli nuk prodhon probleme sigurie, nuk dua të them që në Dropull nuk ka probleme sigurie. Policia do të bëjë gjithçka mundet për këtë,”– tha ai.

      Lleshaj komentoi edhe venimin për mos hapjen e negociatave për Shqipërinë, për të cilin tha se nuk është një ‘Jo’ përfundimtare.

      Qëndrimi i Holandës është një qëndrim i pastër politik. Jam i bindur që ne po bëjmë gjithçka për të luftuar edhe krimin që ndodh nga shqiptarët në Holandë.

      Nuk kemi ende një përgjigje negative. Kemi një ‘po’ që po tentohet të bllokohet nga dy vende. Siç e dëgjuat edhe vetë Macron tha se u duhet pak kohë që të mendohen. Le të themi që jemi gjendur në momentin e gabuar në derën e BE-së,”– përfundoi Lleshaj.

    • 13:16

      Dështimi i negociatave, Meta: Mos humbisni shpresën, asgjë nuk ka përfunduar

      Për dështimin e negociatave me BE-në, presidenti Ilir Meta është shprehur se nuk duhet të humbet shpresa.

      “Shpresoj që vendet skeptike të marrin shembullin e Bungestagut. Mos humbisni shpresën asgjë nuk ka përfunduar.”, është shprehur Presidenti ilir Meta.

    • 13:16

      Shqipëria dështoi me negociatat, Hahn: Ky është një zhgënjim ekstrem, BE nuk mbajti fjalën

      Johannes Hahn

      Mbyllet kapitulli i negociatave, Shqipëria dhe Maqedonia e Veriut dështojnë. Për këtë lajm të hidhur ka reaguar edhe komisioneri Johannes Hahn. Ky i fundit është shprehur se ky  vendim është një zhgënjim ekstrem pasi BE nuk mbajti fjalën.

      “ Udhëheqësit e BE nuk arritën të dakordësohen për hapjen e negociatave të Shqipërisë dhe Maqedonisë së Veriut në Europë. Kjo është tregoi një zhgënjim ekstrem. Vendet e BE tani duhet të sqarojnë se sa serioz është angazhimi i tyre për integrimin e Ballkanit Perëndimor. Ky nuk është moment lavdie për Evropën.

      Refuzimi i zgjerimit do të ketë pasoja negative, përfshirë edhe rrezikun për destabilizimin e Ballkanit Perëndimor, që do të ketë ndikim të plotë në gjithë Evropën. Falënderoj të gjithë ata që natën e kaluar bënë gjithçka për të arritur një vendim me rëndësi të madhe dhe strategjik për Evropën, si dhe luftuan për të dërguar sinjale shprese te qytetarët e Ballkanit Perëndimor”, u shpreh Hahn.

    • 11:30

      Dështimi i negociatave/ Fajon sulmon ashpër Macron: Ka marrë peng BE-në, lojë e ndyrë politike e Francës

      Tanja Fajon

      Anëtarja e Parlamentit Europian Tanja Fajon ka reaguar sërish për hapjen e negociatave të Shqipërisë dhe Maqedonisë së Veriut.

      Në një postim në Tëitter, Fajon ka sulmuar ashpër Macron duke thënë se po luan një lojë të ndyrë duke cënuar besueshmërinë e BE.

      Jam ekstremisht e zhgënjyer që Bashkimi Europian humbi edhe një tjetër mundësi për të demonstruar se çështjet e zgjerimit ka rëndësi dhe se ne i mbajmë premtimet tona. Bashkimi Europian është marrë sërish peng nga Franca e cila nuk kupton dhe vazhdojë të minojë interesin tonë për Ballkanin.

      Maqedonia e Veriut dhe Shqipëria nuk morën një dritë jeshile për hapur bisedimet me BE ditën e djeshme. Parlamenti Europian mbetet një aleat i fortë gjithesi. Besueshmëria e Unionit është shkatërruar. Franca po luan lojë të ndyrë politike dhe kam frikë se të gjithë do të paguajnë çmimin”, shkruan Fajon.

    • 11:30

      Conte flet pas ‘vulosjes’ së negociatave: Gabim historik, të dy vendet bënë përpjekje për t’u afruar me BE

      Kryeminstri italian Giuseppe Conte

      Kryeminstri italian Giuseppe Conte ka folur pas përfundimit të mbledhjes së parë të Samitit të BE.

      Conte theksoi se mbledhja e djeshme do të mbahet mend si një gabim historik , pasi Europa duhet të merrte pranë vetes vende si Shqipëria dhe Maqedonia e Veriut, të cilët kanë një  bërë përpjekje për t’u afruar me BE.

      “Shkoi keq u thashë kolegëve. Në 1400 kjo zonë ra nën sundimin e perandorisë osmane, pas Luftës së dytë botërore ranë nën regjimin komunist.

      Ata kanë një jetë të tërë që duan të hyjnë në Europë, ata e ëndërrojë të hyjnë në Europë.

      Data e djeshme e 2019 do të mbahet mend si një datë e një gabimi të rëndë historik dhe për këtë më vjen keq.

      Jam përpjekur shumë që të bind kolegë duke u sqaruar se kjo zonë me një shumicë popullsie myslimane që kanë një zhvillim kulturor europian është diçka shumë e madhe, një forcë shumë e madhe

      Ne duhet të hapeshim. Janë shumë i dëshpëruar dhe dua tu gjendem pranë komuniteteve shqiptare e të Maqedonisë së Veriut. Në do të jemi gjithmonë pranë tyre. Italia do ti mbështesë gjithmonë dhe shpresoj që ky vendim negativ të mos i zhgënjejë e të vazhdojnë.  ndihem i dëshpëruar. Të vendet bënë përpjekje për t’u afruar me BE”, u shpreh Conte.

    • 11:30

      Negociatat/ Macron s’i bindet këmbënguljes së Merkel, Holanda propozon ndarjen e Shqipërisë nga Maqedonia

      Liderët e vendeve  anëtare të BE debatuan mes tensionesh deri në mesnatë lidhur më çështjen e negociatave, Por, ata nuk ishin në gjendje të dakordësoheshin as lidhur me një marrëveshje që do të inkurajonte Shqipërinë e Maqedoninë e Veriut, apo për shtyrje të vendimit zyrtar.

      Presidenti francez Emmanuel Macron kundërshtoi ashpër hapjen e negociatave për anëtarësimin, duke mbizotëruar ndaj liderëve të tjerë, përfshirë gjermanen Angela Merkel dhe presidentin e Këshillit Evropian, Donald Tusk, raporton A2 CNN.

      Sipas Politikos, kryeministri holandez Mark Rutte mbështeti një kompromis të mundshëm që do të lejojnte nisjen e negociatave me Maqedoninë e Veriut, duke detyruar Shqipërinë të presë, por në fund krerët e shteteve nuk ranë dakord për veçimin e dy vendeve.

      Fleksibilitetin për Shkupin, kryeministri holandez e bëri të qartë edhe më herët gjatë ditës:“Ju e dini pozicionin tonë. Për Shqipërinë është një JO e qartë. Nëse shikon se çfarë ndodh, nuk ka avancime ose ndryshime.

      Nëse shikon Maqedoninë e Veriut, ata janë në një pozicion më të mirë se Shqipëria. Kanë ndodhur më shumë gjëra!Por, edhe aty ka shumë detyra për të bërë! Por, gjykimi im është që për të dyja vendet do të ketë një JO.

      Për Shqipërinë, Parlamenti im më ka dhënë një JO të qartë për të votuar sonte me të cilën unë bie dakort!Për Maqedoninë e Veriut, më pak eksplicite, por ato kanë shumë për të bërë”.Megjithëse Gjermania e krerët e tjerë të vendeve të bllokut që mbështesin zgjerimin shprehën qëllimin për të ushtruar trysni ndaj Macron për ta bindur të ndryshojë qëndrim, pesimizmi në ditën e parë të samitit ishte i qartë.

      UrsulaVon Der Leyen tha:

      “Fatkeqësisht, shenjat nuk janë të mira dhe nuk është e sigurtë nëse do të kemi një vendim sot.

      Më vjen shumë keq pasi mendoj se të dyja vendet kanë bërë përpjekje të mëdha për t’iu afruar standardeve të Bashkimit Europian.

      Për mua ishte shumë e rëndësishme që ato të merrnin një sinjal pozitiv”

    • 11:30

      Kryeministri i Holandës ‘venit’ shpresat: Shqipëria ka bërë progres, por ka ende rrugë të gjatë

      Mark Rutte

      Këshilli i Evropës do japë sot vendimin final për hapjen ose jo të negociatave për Shqipërinë dhe Maqedoninë e Veriut. Për këtë çështje ka folur edhe kryeministri i Holandës, i cili ka shfaqur skepticizëm për këtë proces, sidomos ndaj vendit tonë.

      Kryeministri holandez, Mark Rutte theksoi se të gjithë i kanë parasysh përpjekjet dhe arritjet që ka bërë deri tani Shqipëria, por shtoi se kjo nuk mjafton për një përgjigje pozitive ndaj negociatave. Kështu pas Francës, edhe Holanda duket se rikonfirmoi qartë qëndrimin e saj të ftohtë ndaj Shqipërisë, duke i mbyllur derën kështu mundësive për nisjen e bisedimeve me BE.

      “Të gjithë i kemi të qarta përpjekjet e Shqipërisë dhe të Maqedonisë së Veriut. Shqipëria ka bërë shumë punë, por ka ende për të bërë. Shqipëria ka një rrugë pak më të gjatë për të bërë, Gjithsesi ajo ka bërë shumë progres”-tha mes tjerash, kryeministri i Holandës, duke shtuar se duhen reforma të thella në përmirësimin dhe zbatueshmërinë e ligjit.

    • 11:00

      Negociatat dështuan, Zaev nuk ndalet: Jemi më të fortë, synimi ynë është NATO

      Kryeministri i Maqedonisë së Veriut është shprehur se askush nuk mund t’ia ndalë reformat edhe pse negociatat me BE-në kanë dështuar.

      Në një reagim në rrjetet sociale, Zaev shkruan se synimi i Maqedonisë së Veriut është anëtarësimi në NATO.

      Askush nuk mundet të na i ndalë reformat dhe ndryshimet që bëmë së bashku dhe nga ky moment do të dalim vetëm më të fortë dhe me më shumë përvojë. Do të bëhemi anëtarë të NATO-s gjë e cila ishte qëllimi ynë strategjik nga pavarësia deri sot.

      Është e dukshme që Ballkani ka ndryshuar dhe që është bërë burim stabiliteti. BE-ja e di mirë këtë dhe duhet ta pranojë se Ballkani është evropian. Mbetemi të përkushtuar dhe me punë do të dëshmojë ku e kemi vendin”, shkruan Zaev.

    • 10:40

      Mbyllet kapitulli i negociatave, Shqipëria dështon, nuk ka diskutime në axhendë

      Donald Tuks

      Në takimin e sotëm të liderëve të 28 vendeve të Europës nuk do të ketë diskutime në lidhje me çështjen e negociatave për Shqipërinë dhe Maqedoninë e Veriut.

      Lajmi është konfirmuar nga  presidenti i Këshillit të Europës Donald Tusk. “Bëra gjithçka nuk shkoi mirë”,  u shpreh ai pas këtij vendimi.

    Shto Koment