TIRANË- Pedagogu, Arlind Qori, ka denoncuar zaptimin e pronës publike, duke e shndërruar në një treg makinash.
Me anë të një postimi në rrjetet sociale, Qori ndërsa tregon se oborri i pallatit 62, ku ai ka kaluar fëmijërinë është zaptuar nga një tregtar makinash, që sipas tij, më herët kishte zënë hapësirën mes pallateve për të tregtuar makinat e tij, por që tashmë ajo hapësirë po restaurohet nga bashkia, e kësisoj, tregtari ka gjetur si ‘shpëtim’ oborrin e pallatit.
Denoncimin e tij, pedagogu e argumenton edhe me foto nga vendi i ngjarjes, ndërsa shprehet se banorët kanë shkuar disa herë në Bashki, por janë përcjellë me përçmim.
Për këtë ai paralajmëron Veliajn duke thënë: “Zgjedhjet lokale janë afër. Gaztori i vogël i bashkisë do të vijë të presë shiritin përpara kamerave të kontrolluara. Sidoqoftë, banorët e pallatit 62 do të jenë aty për t’i kërkuar llogari dhe demaskuar palo kandidatin e një palo partie që drejton një palo bashki”.
Postimi i plotë:
Ky është oborri i pallatit 62 në rrugën Pjetër Budi të Tiranës, rreth 100 metra pas Ambasadës së SHBA. Pallati dhe oborri i tij janë ndërtuar në vitin 1985, ka 45 apartamente të ndara në tre shkallë. Në këtë pallat kam kaluar fëmijërinë dhe pjesën më të madhe të jetës sime të rritur. Në oborrin që tani nuk ekziston më kam luajtur sa më kanë rënë këmbët e duart.
Prej javësh ky oborr jo vetëm që është rrënuar në atë pak shtrim që kishte, por edhe është zaptuar prej njërit që ka vendosur që brenda tij të zhvendosë tregun e tij të vogël të makinave. Shpëtimi – kështu quhet komshiu zaptues – deri dje kishte zënë hapësirën midis pallateve për treg makinash. Po bashkia ka vendosur ta rregullojë hapësirën midis pallateve. Mirëpo jo duke e përzënë tregun e paligjshëm të makinave, por thjesht duke e zhvendosur atë brenda oborrit tonë të përbashkët. Siç vihet re, përbindëshi prej hekuri dhe makinat e parkuara si në xhungël e kanë zhdukur pothuajse fare oborrin, ku jo vetëm që nuk mund të luajnë më fëmijët, por është bërë e vështirë edhe të kalosh.
Banorët e pallatit kanë trokitur disa herë në dyert e bashkisë, të policisë bashkiake, madje edhe të policisë së shtetit, duke kërkuar lirimin e oborrit dhe rregullimin e tij. Të gjitha zyrat i kanë përcjellë me përçmim. Si ka mundësi që një njeri i vetëm në shkelje të ligjit të jetë më i fortë se të gjithë banorët e tjerë? Ndoshta ngaqë sa herë ka zgjedhje është komisioner i PS, se darovit ndonjë lek apo thjesht sepse zyrtarëve të shtetit nuk u bëhet vonë për asgjë?
Zgjedhjet lokale janë afër. Gaztori i vogël i bashkisë do të vijë të presë shiritin përpara kamerave të kontrolluara. Sidoqoftë, banorët e pallatit 62 do të jenë aty për t’i kërkuar llogari dhe demaskuar palo kandidatin e një palo partie që drejton një palo bashki.
(B.B/ Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Tiranë- Ish-kryebashkiaku i natës, Briken Fejzullai, ka ironizuar me tenorin Saimir Pirgu, i cili u shpreh në një intervistë se do t’i duheshin 200 mijë shfaqje...
TIRANË- Pas deklaratës së bërë nga tenori Saimir Pirgu, se për shkak të një gome të djegur nga protestuesit e Opozitës para Kuvendit, se do t’i duheshin 20...
KORÇË- Sekretari i Përgjithshëm i Partisë Socialiste, Taulant Balla sëbashku me ministrin e Mjedisit dhe Turizmit, Blendi Klosi dhe deputetin, Niko ...
Tiranë- Ditën e sotme kryetarja e Lëvizjes Socialiste për Integrim, Monika Kryemadhi në një takim me të rinjtë është shprehur sërish se në fund të majit do të k...
Anëtari i kryesisë së PD-së Kreshnik Çollaku ka deklaruar së fundmi se në protestën e 16 shkurtit një nga personat që ka goditur derën e Kryeminsitrisë k...
Verifikimi i titujve të pronësisë ishte një nga premtimet e kryeministrit Edi Rama gjatë zgjedhjeve qendrore të vitit 2013. Por nga ajo kohë deri më sot ç...
Tiranë- Një ditë më parë deputeti i PS-së Paulin Stërkaj nga Shkodra ku po zhvillohej asambleja e Partisë Socialiste foli edhe për incidentin që ndodhi para par...
Tiranë-Pasi deputetët e opozitës dogjën mandatet e tyre, KQZ ka nisur punën me listat e kandidatëve nëse do të pranojnë apo jo të jenë pjesë e parlamentit. Kand...
Tiranë- Mëngjesin e sotëm kryeministri Edi Rama ka publikuar një video ku shfaqet një familje e varfër në Këlcyrë. Qeveria Rama në këtë video i premton familjes...
TIRANË– Ish-deputeti i LSI-së, Endrit Brahimllari ka akuzuar ministrin e Brendshëm Sandër Lleshaj se kërkon të kthejë Forcat Speciale të Ushtrisë në Policë...
