Aktualitet

Gjirokastër/ Transportonin kundrejt parave emigrantë të paligjshëm, policia prangos dy persona, në kërkim një 25-vjeçar

Në kuadër të operacionit policor të koduar “Road Guard 69”, policia vuri në pranga shtetasit A. B., 26-vjeç, banues në Krujë dhe A. K., 23-vjeçe, banuese në Tiranë.

7 Gusht 2023, 16:58 Nga m.s
Gjirokastër/ Transportonin kundrejt parave emigrantë të
rajoni i policise Gjirokaster

GJIROKASTËR- Policia e Gjirokastrës ka vënë në pranga dy shtetas, si dhe ka shpallur në kërkim një 25-vjeçar, për transportimin e emigrantëve. Në kuadër të operacionit policor të koduar “Road Guard 69”, vunë në pranga shtetasit A. B., 26-vjeç, banues në Krujë dhe A. K., 23-vjeçe, banuese në Tiranë. Të dy monitoronin duke lëvizur me automjet aksin rrugor “Ura e Dragotit - Ura e Leklit”, përmes të cilit shtetasi G. M., 25-vjeç (i shpallur në kërkim gjatë operacionit) transportonte me një automjet tjetër, kundrejt shumës 500 euro/person, 8 emigrantë nga vendet e treta, me qëllim kalimin e paligjshëm të kufirit drejt vendeve të BE-së. Monitorimi i rrugës kryhej nga dy të arrestuarit, për të shmangur prezencën e patrullave të policisë.

Njoftimi 

Gjirokastër/Vijon operacioni policor i koduar “Road Guard 69”, i zhvilluar më datë 23.07.2023. Monitoronin rrugën përmes së cilës transportoheshin 8 emigrantë, për të shmangur patrullat e Policisë, identifikohen nga veprime të thelluara hetimore, kapen dhe vihen në pranga 2 shtetas. Ndërkohë, Policia vijon punën për kapjen 25-vjeçarit që drejtonte automjetin me të cilin po transportoheshin emigrantët. Specialistët e Seksionit për Hetimin e Trafiqeve dhe Narkotikëve, në bashkëpunim me ata të Forcës së Posaçme Operacionale dhe me ata të Sektorit të Policisë Rrugore, kanë vijuar hetimet e thelluara, në bashkëpunim me Prokurorinë e Gjirokastrës, për të identifikuar dhe për të nxjerrë përpara përgjegjësisë penale, të gjithë shtetasit e implikuar në një rast të transportimit të emigrantëve, kundrejt pagesave, për të kaluar ilegalisht kufirin. Për këtë rast të goditur nga Policia e Gjirokastrës, më datë 23.07.2023, në kuadër të operacionit policor të koduar “Road Guard 69”, u vunë në pranga shtetasit A. B., 26 vjeç, banues në Krujë dhe A. K., 23 vjeçe, banuese në Tiranë. Nga veprimet hetimore rezulton se të dy këta shtetas monitoronin duke lëvizur me automjet, aksin rrugor “Ura e Dragotit - Ura e Leklit”, përmes të cilit shtetasi G. M., 25 vjeç (i shpallur në kërkim gjatë operacionit) transportonte me një automjet tjetër, kundrejt shumës 500 euro/person, 8 emigrantë nga vendet e treta, me qëllim kalimin e paligjshëm të kufirit, drejt vendeve të BE-së. Monitorimi i rrugës kryhej nga 2 të arrestuarit, për të shmangur prezencën e patrullave të Policisë. Vijon puna për kapjen e shtetasit G. M. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

emigrante gjirokaster

Sondazh

Poll

MË SHUMË