Sport

Dembélé shtërngon duart me PSG-në…

Tani mbetet vetëm mbyllja e marrëveshjes për kushtet mes klubeve, në mënyrë që operacioni të zyrtarizohet

4 Gusht 2023, 10:30 Nga DOSJA
Dembélé shtërngon duart me PSG-në…

SPANJE - Mbrëmjen e kësaj të enjte marrëveshja mes Dembélé dhe PSG është mbyllur plotësisht. Në fakt, rreth orës 21:00 antenta është ndërprerë dhe kjo i është komunikuar  Barcelonës. 

Tani mbetet që të dy institucionet të bien dakord për kushtet e pagesës së 50 milionë eurove, përpara se të zyrtarizojnë operacionin. Prandaj, francezi tani është një hap larg largimit nga “Camp Nou”. Të gjitha palët presin që të mbyllin transfertën në orët e ardhshme.

Dembélé , në mungesë të një njoftimi zyrtar, do të nënshkruajë për 5 sezonet e ardhshme me PSG. Lojtari ka udhëtuar këtë të enjte herët pasdite drejt Parisit, duke marrë një fluturim nga Barcelona në orën 13:30, për të finalizuar marrëveshjen me klubin francez. Sonte është kompletuar marrëveshja mes futbollistit dhe klubit të tij të ri.

Me këtë hap tashmë të përfunduar, tashmë ka mbetur marrëveshja mes subjekteve. Shifra nuk është e negociueshme, janë 50 milionë që përfshinin kontratën private mes Dembélé dhe Barcelonës, por kushtet e pagesës dhe detajet e vogla janë. Pasi të arrihet edhe kjo marrëveshje, operacioni mund të zyrtarizohet.

Prandaj, kjo e premte mund të jetë një ditë kyçe. Në Barcelonë ata janë takuar gjatë kësaj dite në qytetin sportiv me dosjen Dembélé në tavolinë. Prandaj, ndeshja kundër Real Madridit, gjatë turneut në Shtetet e Bashkuara të Amerikës, ishte e fundit që anësori francez luajti me fanelën e Barçës.

B.T (Dosja.al)

Sondazh

Poll

MË SHUMË