Aktualitet

Kurbin/ Po gërryente shtratin e lumit Mat për të nxjerrë inerte, arrestohet 52-vjeçari! Një në kërkim

52-vjeçari Alket Zeneli po gërryente për të nxjerrë inerte kur u vendos në pranga gjatë natës.

3 Gusht 2023, 12:58 Nga k.m.
Kurbin/ Po gërryente shtratin e lumit Mat për të nxjerrë
Foto ilustruese

KURBIN- Një 52-vjeçar është arrestuar në Kurbin pasi ka qenë duke gërryer me ekskavator shtratin e lumit Mat. 52-vjeçari Alket Zeneli po gërryente për të nxjerrë inerte kur u vendos në pranga gjatë natës. Ndërkohë është shpallur në kërkim pronari i subjektit Fatmir Vuthaj, 58 vjeç, banues në Tiranë.

NJOFTIMI I PLOTË:

Kurbin

Si rezultat i kontrolleve të pandërprera nga shërbimet e Policisë, konstatohet dhe goditet veprimtaria e kundërligjshme e një tjetër subjekti ekonomik që nxirrte inerte nga lumi Mat. U kap në flagrancë gjatë natës, teksa gërryente me ekskavator, shtratin e lumit Mat, arrestohet 52-vjeçari. Policia vijon punën për kapjen e pronarit të këtij subjekti ekonomik. Në bashkëpunim me IMT Lezhë sekuestrohen 1 ekskavator dhe një sasi inertesh të përfituara në kundërshtim me ligjin.

Në vijim të kontrolleve të pandërprera të mbështetura edhe nga informacionet e siguruara nga inteligjenca policore, për parandalimin dhe goditjen e krimeve kundër mjedisit, shërbimet e Komisariatit të Policisë Kurbin, goditën një tjetër rast të gërryerjes së shtratit të lumit, me qëllim nxjerrjen e kundërligjshme të inerteve. Për këtë rast, u kap në flagrancë teksa gërryente me ekskavator, dhe u vu në pranga shtetasi A. Z., 52 vjeç, banues në Kurbin. Gjithashtu, u shpall në kërkim pronari i subjektit që kryente këtë veprimtari të kundërligjshme, shtetasi F. V., 58 vjeç, banues në Tiranë. Në bashkëpunim me IMT Lezhë, në cilësinë e provës materiale u sekuestruan 1 ekskavator dhe një sasi inertesh të përfituara në kundërshtim me ligjin.

Vijon puna për kapjen e 58-vjeçarit. Monitorimi i territorit përreth lumit Mat, vijon. Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

alket zeneli kurbin

Sondazh

Poll

MË SHUMË