Aktualitet

Sherr në Malësinë e Madhe/ Drejtori godet me grusht përgjegjësin e Emergjencave Civile

60-vjeçari i identifikuar me inicialet R. S., ka qëlluar me grusht përgjegjësin e Sektorit të Emergjencave Civile gjatë një konflikti për motive të dobëta.

3 Gusht 2023, 11:58 Nga k.m.
Sherr në Malësinë e Madhe/ Drejtori godet me grusht
Foto ilustruese

SHKODËR- Policia e Shkodrës ka nisur procedimin penal në gjendje të lirë për drejtorin e Drejtorisë së Rrugëve Rurale, Emergjencave Civile, Ujitjes dhe Kullimit në Malësinë e Madhe, pas një konflikti që ai ka pasur me vartësin e tij. 60-vjeçari i identifikuar me inicialet R. S., ka qëlluar me grusht përgjegjësin e Sektorit të Emergjencave Civile gjatë një konflikti për motive të dobëta.

“Specialistët për Hetimin e Krimeve të Komisariatit të Policisë Malësi e Madhe referuan materialet në Prokurori ku nisi procedimi në gjendje të lirë për shtetasin R. S., 60 vjeç, me detyrë drejtor i Drejtorisë së Rrugëve Rurale, Emergjencave Civile, Ujitjes dhe Kullimit, bashkia Malësi e Madhe, pasi ka kallëzuar shtetasi E. R., 64 vjeç, banues në Shkodër, me detyrë Përgjegjës i Sektorit të Emergjencave Civile, bashkia Malësi e Madhe, se gjatë një konflikti për motive të dobëta, me 60-vjeçarin, ky i fundit e ka goditur me grusht. Vijojnë veprimet për verifikimin e këtij kallëzimi. Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme,"- njofton Policia e Shtetit.

shkoder

Sondazh

Poll

MË SHUMË