Sport

Conference League/ 'Goglat' e UEFA-s përcaktojnë turin e tretë: Partizani buzëqesh, Tirana rivalë boshnjakë, o azerë

Sot në mesditë, në Nion të Zvicrës, goglat përcaktuan dhe çiftet e raundit të tretë në Conference League.

24 Korrik 2023, 21:13 Nga DOSJA

Conference League/ 'Goglat' e UEFA-s përcaktojnë turin e

ZVICER - Mëngjesin e kësaj së hënë, UEFA ka bërë dhe ndarjen e vazove, që tregon kundërshtarët e mundshëm të shtatë skuadrave shqiptare, ndërkohë që mesditë (14:00) janë përzier goglat dhe përcaktuar shorti për turin e tretë të Conference League.

Kështu, nëse Partizani arrin që të kalojë skuadrën e Atletic Club d’Escaldes të Andorrës, të kuqtë e kryeqytetit do të përballen me fituesin e çiftit Tre Pene të San Marinos dhe Valmieras të Letonisë.

Në anën tjetër, Tirana, nëse bardheblutë kalojnë Besiktasin mund të përballen me skuadrën që kualifikohet nga çifti: Zeljeznicar (Bosnje) - Neftçi (Azerbaixhan).

Me rivalët e radhës është njohur edhe Ballkani, i cili në rast se kalon Larne, do të ndeshet me Linkoln Red Imps. Ndërsa Dukagjini gjendet përballë Torshavn ose Haverforduest në rast kualifikimi ndaj Rijekës së Splitit.

Për Strugën e Maqedonisë së veriut do duhet të kalohet prova ndaj Buduçnostit të Podgoricës për t’u përballur me fituesen e çiftit Nju Seint - Swift Hesper, ndërsa Shkupi gjen Hapoel Ber Shevan ose Panevezis nëse kalon duelin me Levski Sofja.

Ja dhe shorti i këtij turi i përcaktuar nga goglat e sotme:

Conference League/ 'Goglat' e UEFA-s përcaktojnë turin e

B.T (Dosja.al)

Sondazh

Poll