Aktualitet

U dërgua në spital pa ndjenja, 25-vjeçarja: U ngacmova në punë! Pranga ish-inspektorit të Tatimeve

Nga deklarimet e vajzës, rezultoi se ajo ishte ngacmuar seksualisht në vendin e saj të punës nga shtetasi Arian Mema, dhe për pasojë kishte humbur ndjenjat. E gjithë ngjarja kishte ndodhur teksa Mema ka qenë duke montuar dushe në subjektin ku vajza punonte si pastruese.

23 Korrik 2023, 22:29 Nga m.s
U dërgua në spital pa ndjenja, 25-vjeçarja: U ngacmova në
foto ilustruese

POGRADEC- Detaje të reja janë zbardhur nga rasti i abuzimit seksual në Pogradec, ku një personazh i njohur për policinë, kishte ngacmuar një 25-vjeçare. Rasti është shënuar një ditë më parë, dhe ndaj abuzuesit janë marrë menjëherë masat nga ana e uniformave blu, duke e vënë në pranga.

Një 25-vjeçare, identiteti i së cilës nuk bëhet me dije, e cila është punonjëse në një subjekt privat, është çuar pa ndjenja në spitalin e Pogradecit. Pas referimit të ngjarjes nga mjekët në polici, kanë nisur hetimet ndërsa kanë marrë në pyetje vajzën pasi ajo ka marrë veten.

Nga deklarimet e vajzës, rezultoi se ajo ishte ngacmuar seksualisht në vendin e saj të punës nga shtetasi Arian Mema, dhe për pasojë kishte humbur ndjenjat. E gjithë ngjarja kishte ndodhur teksa Mema ka qenë duke montuar dushe në subjektin ku vajza punonte si pastruese.

Pas të gjitha deklarimeve të 25-vjeçares me origjinë nga Trebinja e Mokrës, policia ka vënë në pranga 55-vjeçarin.

Autori i njohur për policinë

Arian Mema është i njohur për policinë, pasi për një ngjarje të tillë është akuzuar edhe në 2020, vit kur punonte si inspektor Tatimesh në Drejtorinë e Tatimeve të Korçës. Ai madje edhe u shkarkua nga puna, dhe punonte në sektor privat me shitje dhe montim dushesh diellorë. Mema tashmë është shoqëruar në paraburgimin e Korçës, nga ku më pas do të njihet me masën e sigurisë nga gjykata.

ngacmim seksual arian mema

Sondazh

Poll

MË SHUMË