Sport

Senegalezi Sadio Mane, tani "i padëshirueshëm" te Bayern Munich...

Sulmuesi është i lirë të kërkojë një klub të ri, ku mund të vazhdojë karrierën e tij.

13 Korrik 2023, 11:20 Nga DOSJA
Senegalezi Sadio Mane, tani "i padëshirueshëm" te Bayern

GJERMANI - Anësori Sadio Mane sigurisht që nuk do të vazhdojë të jetë pjesë e skuadrës së Bayern Munichut në sezonin e ardhshëm, raporton gazetari i “Kicker” Georg Holzner.

Ndërkombëtari Senegal, madje tashmë është informuar nga drejtuesit e klubit se ai nuk llogaritet në planet e trajnerit Tuchel.

Mane zbarkoi te bavarezët verën e kaluar nga Liverpool, por nuk arriti t'i përmbushte pritjet e larta. Anësori humbi një pjesë të sezonit për shkak të dëmtimit dhe më pas u përfshi në një skandal të rëndë, pasi arriti të godiste edhe shokun e skuadrës Leroy Sane.

Një tjetër arsye pse Bayern kërkon një blerës për Mane është paga e tij e lartë. Sulmuesi ka oferta nga sauditët Al Nasser dhe Al Itifaq, por ende nuk është e qartë nëse ai do të dëshirojë të largohet nga Kontinenti i Vjetër.

Kontrata aktuale e Sadio Mane me kampionionët gjermanë është deri në vitin 2025.

B.T (Dosja.al)

Sondazh

Poll

MË SHUMË