Politike

Dosja e Ahmetajt, Gazment Bardhi flet me emra: Kanë vepruar si grup kriminal, Gjiknuri dhe Felaj pjesë

Po ashtu ai ka theksuar se këta kanë vepruar si një grup kriminal nën drejtimin e Edi Ramës.

12 Korrik 2023, 19:14 Nga I.A

Dosja e Ahmetajt, Gazment Bardhi flet me emra: Kanë vepruar si grup

TIRANË- Deputeti demokrat Gazment Bardhi ka folur me emra konkretë për personat që janë të përfshirë në dosjen e SPAK për Arben Ahmetajn. Në një dalje për mediat, pas përfundimit të mbledhjes së Këshillit të Mandateve, Bardhi ka deklaruar se në dosje janë Damian Gjiknuri, Ermonela Felaj, si dhe 2 ish-kryetarë bashkie, të cilët sot janë deputetë, Fadil Nasufi dhe Baftjar Zeqo. Po ashtu ai ka theksuar se këta kanë vepruar si një grup kriminal nën drejtimin e Edi Ramës.

“Disa nga emrat janë bërë publike sikundër disa të tjerë janë të kallëzuar prej nesh. Damian Gjiknuri, Ermonela Felaj, 2 ish kryetarë bashkie, sot deputetë, Fadil Nasufi, Baftjar Zeqo. Kanë vepruar si grup i strukturuar kriminal koka e të cilit është Edi Rama. Pse po veçohen çështjet nga SPAK, se duket qartë që ka një qëllim që kjo veprimtari të mos trajtohet si grup i strukturuar kriminal. Avokatët e Ahmetajt erdhën dhe bënë politikë, kërkuar mëshirë për klientin e tyre. Mëshirë për ata që abuzojnë me detyrën e shpërdorojnë besimin e qytetarëve dhe nga të pastrehë bëhen me vila nga veprimtari korruptive, s’ka për të pasur kurrë nga deputetë të opozitës. Jam i bindur që Prokuroria do e vazhdojë hetimin qoftë për episode të tjera apo zyrtarë apo ish zyrtarë. Kam besim të plotë, dua të besoj që SPAK do e përmbushë pritshmërinë”, tha Bardhi.

gazment bardhi arben ahmetaj damian gjiknuri ermonela felaj fadil nasufi baftjar zeqo

Sondazh

Poll

MË SHUMË