Sport

Van der Sar kapërceu kërcënimin për jetën e tij, por mbetet në kujdesin intensiv

Ajaxi ka njoftuar mbërmjen e djeshme lajmin e mirë se ish-portieri Edwin van der Sar, nuk është më në rrezik për jetën pas hemorragjisë cerebrale që pësoi pak ditë më parë kur shokoi të gjithë botën e futbollit dhe jo vetëm.

12 Korrik 2023, 08:26 Nga DOSJA
Van der Sar kapërceu kërcënimin për jetën e tij, por

KROACI - Zhvillime pozitive për Edwin van der Sar. Bota e futbollit u trondit pak ditë më parë kur u bë e ditur se portieri ikonë veteran pësoi hemorragji në tru dhe duhej të dërgohej me urgjencë në reanimacion, por gjithçka duket se po shkon mirë.

Pak orë më parë agjenti i tij deklaroi se është në duar të sigurta dhe rezultoi se kishte të drejtë, pasi në bazë të përditësimit të fundit nga Ajax një informacion që vjen nga bashkëshortja e tij, holandezi nuk rrezikon më të humbasë jetën.

Situata është stabile, edhe pse për momentin ai qëndron në reanimacionin e spitalit, ndërsa ka qenë shumë i komunikueshëm edhe në takimet që ka pasur me familjarët e tij. Me fjalë të tjera, gjërat po shkojnë mirë dhe Van Der Sar duket se është në rrugën e tij drejt një rikuperimi të plotë.

B.T (Dosja.al)

Sondazh

Poll

MË SHUMË