Sport

Edhe Milinkoviçin ‘fluturon’ drejt sauditëve të Al Hilal: 40 milionë për Lazion!

Serbi i thotë lamtumirë kryeqytetit italian pas tetë sezonesh si protagonist, do të fitojë 20 milionë në sezon për tre vitet e ardhshme

12 Korrik 2023, 08:00 Nga DOSJA
Edhe Milinkoviçin ‘fluturon’ drejt sauditëve të Al

ITALI - Gjithçka është bërë për transferimin e Sergej Milinkoviç-Savic nga Lazio te Al Hilal. 

Tashmë është bërë edhe shkëmbimi i dokumenteve mes dy klubeve, mes të mërkurës dhe të enjtes, serbi do të kryejë ekzaminimet e zakonshme mjekësore, pas së cilës do të nënshkruajë kontratën shumë të pasur (rreth 20 milionë në sezon)  që do ta lidhin me klubin saudit deri në vitin 2026. Sakaq 40 milionë euro do të shkojnë për klubin e Lazios.

Kështu përfundon pas 8 sezonesh aventura e “Rreshterit” në kryeqytetin italian: Milinkoviç përshëndetet me 69 gola në 341 paraqitje në të gjitha garat, të cilat e kanë bërë serbin edhe mesfushorin më pjellor në historinë e Lazios. 

Te Al Hilal ai do të gjejë një tjetër të njohur të vjetër të futbollit italian, Kalidou Koulibaly, i cili gjithashtu u transferua në Riad pas përfundimit të periudhës së tij të shkurtër te Chelsea.

B.T (Dosja.al)

Sondazh

Poll

MË SHUMË