Sport

Neymar shfaqet në stërvitje te PSG-ja… shqetësuese gjendja e sulmuesit brazilian

Gjendja fizike e yllit brazilian është shqetësuese… Testet e para fizike nuk zbuluan rezultatet më të mira.

11 Korrik 2023, 16:23 Nga DOSJA
Neymar shfaqet në stërvitje te PSG-ja… shqetësuese gjendja

FRANCE - Neymar nuk ka marrë pjesë në asnjë ndeshje që nga shkurti i këtij viti dhe nuk është e qartë se çfarë roli do të luajë braziliani 31-vjeçar në PSG-në e Luis Enrique.  Sipas gazetës franceze ‘L’Équipe’, gjendja fizike e sulmuesit, i cili tashmë është paraqitur në stërvitje, është shqetësuese. 

Testet e para fizike nuk zbuluan rezultatet më të mira. Madje ka nga ata që vënë në dyshim, nëse lojtari do të mund të rikthehet në nivelin e tij më të mirë. Shqetësimi më i madh është kyçi i djathtë, i operuar në muajin mars, i cili nuk është 100 për qind.

Vitet e fundit të yllit brazilian te Parisi janë shënuar nga një kalvar dëmtimesh, që do të thotë se ai u detyrua të humbasë shumë ndeshje.

Sezonin e kaluar braziliani luajti vetëm në 29 ndeshje, në atë të mëparshëm në 28. Në 2020/19 ai nuk shkoi përtej 31 ndeshjeve dhe në 2019/29 ishte vetëm në 27.

Neymar nënshkroi për PSG në 2017, duke u larguar nga Barcelona, ​​për një rekord prej 222 milionë eurosh. Ai ka kontratë deri në vitin 2027.

B.T (Dosja.al)

Sondazh

Poll

MË SHUMË