Sport

Arabia Saudite tundon Cholo Simeonen…

Trajneri i Atlético Madridit ka marrë një ofertë astronomike për të stërvitur në vendin arab

7 Korrik 2023, 18:17 Nga DOSJA
Arabia Saudite tundon Cholo Simeonen…

SPANJE - Ofertë e re nga Arabia Saudite te Atlético Madrid. Pasi u interesua për Saúl Níguez disa javë më parë, nga vendi arab tani duan të provojnë të nënshkruajnë me trajnerin e Atléticos,  argjentinasin Diego Pablo Simeone.

Siç zbulohet nga “Marca”, Al Hilal ka nisur të tentojë të nënshkruajë me Cholo, duke i paraqitur atij një ofertë marramendëse. Trajneri i Atleticos, i cili fillon sot parasezonin me skuadrën e ‘bardhekuq’, nuk ka rinovuar ende me klubin spanjol dhe kontrata e tij aktuale përfundon në qershor 2024. 

Pa dyshim që në Arabi ardhjen e Simeones do ta konsideronin si të një ylli të vërtetë dhe mund të krahasohej me ato të Cristiano Ronaldos apo Karim Benzemas. Qeveria saudite është ajo që po menaxhon punësimin e yjeve botërorë dhe, pa dyshim, ofertat ekonomike i kalojnë shumë ato që mund të jepen në futbollin europian. 

Pavarësisht ofertës marramendëse, gjithçka duket se tregon se Simeone do të vazhdojë të paktën deri në vitin 2024 te Atlético Madridi. Edhe pse trajneri dhe CEO i klubit, Miguel Ángel Gil, nuk janë takuar ende për të vazhduar kontratën, ky afrim mund të ndodhë gjatë muajve të ardhshëm, pasi synimi i klubit madrilen është që Simeone të vazhdojë në pozicionin e tij edhe për sezone në të ardhmen. 

B.T (Dosja.al)

Sondazh

Poll

MË SHUMË