Bota

Mosmarrëveshje për politikat e azilit, bie qeveria holandeze

Rutte ka qenë prej kohësh nën presion për çështjen e migrimit, për shkak të fuqisë së partive të ekstremit të djathtë në Holandë, duke përfshirë atë të liderit anti-islamik Geert Wilders.

7 Korrik 2023, 21:55 Nga m.s
Mosmarrëveshje për politikat e azilit, bie qeveria holandeze
Mark Rutte

HOLANDË- Qeveria e koalicionit të kryeministrit holandez Mark Rutte u rrëzua pas vetëm një viti e gjysmë, në lidhje me masat për të frenuar fluksin e emigrantëve, kanë shkruar mediat lokale. Rutte, udhëheqësi më jetëgjatë i Holandës, kryesoi bisedimet e krizës midis katër partnerëve të koalicionit, por nuk arriti një marrëveshje. 

Nuk pati asnjë deklaratë të menjëhershme nga Rutte apo anëtarë të koalicionit. Ata nuk u larguan menjëherë nga vendi i bisedimeve në Hagë, për të folur me mediat në pritje, tha një gazetar i AFP. Rutte, 56 vjeç, udhëheqësi i partisë së qendrës së djathtë VVD, kishte dashur të shtrëngonte kufizimet për ribashkimin e familjeve të azilkërkuesve, pas një skandali vitin e kaluar në lidhje me qendrat e mbipopulluara të migracionit në Holandë.

Ai kërkoi që numri i të afërmve të refugjatëve të luftës të lejuar në Holandë të kufizohej në 200 në muaj, dhe kërcënoi se do të rrëzonte qeverinë nëse masa do kalonte, thanë mediat holandeze. Të katër partitë mbajtën bisedime për krizën të mërkurën, dhe deri në orët e vona të natës të së enjtes në një përpjekje për të shpëtuar qeverinë e lëkundur, e cila mori detyrën në janar 2022.

Por një kompromis – i ashtëquajturi “buton emergjence” që do të kishte shkaktuar kufizimet vetëm në rast të një numri të madh emigrantësh, nuk ishte i mjaftueshëm për të arritur një marrëveshje në bisedimet e fundit të premten.

Mediat lokale thanë se Rutte, kishte marrë një qëndrim të ashpër ndaj migracionit për të shmangur një sfidë nga krahu i djathtë i partisë së tij. Rutte ka qenë prej kohësh nën presion për çështjen e migrimit, për shkak të fuqisë së partive të ekstremit të djathtë në Holandë, duke përfshirë atë të liderit anti-islamik Geert Wilders.

Udhëheqësi i dytë më jetëgjatë i Evropës pas kryeministrit hungarez Viktor Orban, tani pritet të thërrasë zgjedhjet për të kërkuar një mandat për qeverinë e tij të pestë të koalicionit që nga viti 2010. Qeveria e tij e mëparshme u detyrua të jepte dorëheqjen masivisht në vitin 2021 për një skandal të përfitimeve të fëmijëve që synonte kryesisht familjet e pakicave etnike.

Në vitin 2017 ai u kritikua gjerësisht për lëvizjen e djathtë përpara zgjedhjeve, në një përpjekje për të mbajtur Wilders jashtë pushtetit ndërsa partitë populiste u rritën pas votimit të Brexit në 2016 dhe zgjedhjes së Donald Trump.

mark rutte qeveria holandeze

Sondazh

Poll

MË SHUMË