Politike

“Fisi Rraja rreh me pistoletë në dorë anëtarët e fisit Maja”, Tabaku: Dhuna është kthyer në normë, qeveria të ofron modelin e gangsterit

Deputetja e PD-së Jorida Tabaku ka reaguar lidhur me ngjarjen e rëndë, ku fisi i deputetit Rraja dhunuan barbarisht me shkopinj gome e bejsbolli dy kushërinjtë Maja

7 Korrik 2023, 16:33 Nga DOSJA
“Fisi Rraja rreh me pistoletë në dorë anëtarët e
pamje nga dhuna

TIRANË- Deputetja e PD-së Jorida Tabaku ka reaguar lidhur me ngjarjen e rëndë, ku fisi i deputetit Rraja dhunuan barbarisht me shkopinj gome e bejsbolli dy kushërinjtë Maja. Ajo shpreh shqetësimin se dhuna e më të fortit është kthyer në normë. E madje dhuna ndaj më të dobëtit është kthyer edhe në aftësi politike. Tabaku thotë se nuk surprizohet që familjarë të deputetit të zonës, përfshihen në bizneset e zonës në formën e një bande. 

Për rrjedhojë, të gjitha këto benefite vijnë si pasojë e nevojës që pushteti ka për këtë familje, pasi sipas saj, sistemi është i tillë. Në vazhdën e akuzave, deputetja demokrate thotë se sistemi lejon trafikun e drogës dhe bandat, që këto të fundit të kërcënojnë dhe blejnë votat.

Postimi i plotë

Lajme në Shqipërinë e 2023: Fisi Rraja rreh me pistoletë në dorë anëtaret e fisit Maja.

Dhuna e më të fortit është kthyer sot normë; dhuna ndaj më të dobëtit është kthyer sot edhe në aftësi politike madje në një sistem të mirëorganizuar që operon nga zyrat e sipërmarrjes dhe ekonomisë deri në lagjet e humbura të vendit. Prandaj nuk ka habi që familjarë të deputetit të zonës, që dukshëm ka një armë më shumë në këtë histori, përfshihet në bizneset e zonës në formën e një bande, punëson në zonë kë dëshiron fisi dhe sundon me urdhër në formën e një qeverie paralele. Të gjitha këto benefite vijnë si pasojë e nevojës që pushteti ka për këtë familje pasi sistemi është i tillë. Sistemi lejon trafikun e drogës dhe bandat që këto të fundit të kërcënojnë dhe blejnë votat.

Ky model i ofrohet Shqipërisë prej 30 viteve. Shqiptarët kanë kërkuar dhe janë përpjekur që të promovojnë vlera të tjera por është sistemi i perfeksionuar në këto 10 vite që ka promovuar anti-vlerat që sot japin shfaqje të shëmtuara.

Të rinjtë kërkojnë mundësi sipërmarrje kurse sistemi i kësaj qeverie i ofron modelin e gangsterit të lagjes. Të rinjtë investojnë në shkollim për të ndërtuar të ardhmen këtu ndërkohë që modeli i shtetit dhe sistemit të ngritur i ofron meritokracinë e bandës dhe të rinjve aty.

Prandaj rinia largohet sepse e ka kuptuar që ky sistem të gllabëron brenda tij apo të godet dhe dhunon me skena të tilla në rastin më të mirë. Mbase, të kthen dhe në një viktimë, në rastin më të keq.

Pra, një histori bandash që të kujtojnë Perëndimin e Largët të filmave Ëestern më shumë se sa vendin ku kryeministri ka ftuar vendet e Ballkanit Perëndimor për të promovuar Procesin e Berlinit

Pamje nga dhuna e sotme!

Një grup prej të paktën 8 personash iu drejtuan një lokali në aksin Fushë Krujë – Thumanë, dhe nisën të godisnin dy kushërinjtë Bilbil Maja dhe Jashar Maja. Ngjarja është regjistruar mesditën e së enjtes, ndërsa pamjet janë filmuar nga një prej personave, pjesë e grupit të dhunuesve.

Sondazh

Poll

MË SHUMË