Sport

Lamtumirë emocionale, TV Barça fik ‘dritat’

Punonjësit e kanalit katalanas bënë një video pesë minutëshe, duke përmbledhur jetën 24-vjeçare të kanalit përpara se ai të mbyllej…

1 Korrik 2023, 10:30 Nga DOSJA

Lamtumirë emocionale, TV Barça fik ‘dritat’

SPANJE - Pesë minuta para mesnatës, para se 30 qershori t'i jepte vendin 1 korrikut, punonjësit e Barça TV donin t'i jepnin lamtumirën kanalit me një video emocionuese. 

Që në fillim, ngjyra i la vendin bardhë e zi dhe u ndërthurën imazhe të profesionistëve të shtëpisë që flisnin për lamtumirë të kanalit. Më vonë, Chus Carrillo, drejtori i parë i kanalit Barça dhe deri në ditën e fundit, bëri një përmbledhjeje të 24 viteve të Barça TV. Nga origjina, me lindjen e futbollit të Xavi, Valdes, Piqué, Busquets, Messi, Iniesta...  

Më pas pasuan pamjet e sukseseve të skuadrave të futbollit për meshkuj dhe femra, si dhe seksione të ndryshme të entitetit të Barçës. Gazetarët, kamerat dhe teknikët e Barça TV u shfaqën gjithashtu, duke i dhënë lamtumirën të gjithë shikuesve, mes imazheve të golit të Wembley,  Iniestas në Stamford Bridge, Ligës së dytë të Kampionëve në Wembley me Guardiolën në stol, atë në Berlin me Luis Enrique, kampionet e parë për femra...

Kulmi erdhi me imazhin e komandimit qendror, ku shihen punonjësit që japin urdhrin për të zbehur sinjalin deri në të zezë. Pas disa pamjeve në të cilat disa nga punonjësit shfaqen duke u larguar nga godina e Barça Studios dhe planeve të ndryshme të ambienteve tashmë bosh (dhomat e shkrimit, dhomat e redaktimit dhe studiot), ka ardhur momenti më i trishtë. 

Pas 24 vitesh që sollën në kulm ndeshjet e futbollit për të rinjtë, pamjet paraprake të ndeshjeve të ekipit të parë, konferencat për shtyp, ndeshjet e seksioneve, programe historike si ato të 'Recorda míster'... imazhi i Barça TV u zbeh përgjithmonë. 

B.T (Dosja.al)

Sondazh

Poll

MË SHUMË