Bota

Vendimi i gjykatës për azilkërkuesit, Sunak: Nuk pajtohem me përfundimin! Do ta apelojmë

Sunak deklaron se nuk pajtohet me vendimin e Gjykatës, pasi Ruanda është vend i sigurtë për emigrantët.

29 Qershor 2023, 13:39 Nga A.B
Vendimi i gjykatës për azilkërkuesit, Sunak: Nuk pajtohem me
Rishi Sunak

BRITANI E MADHE- Ky është reagimi i parë nga kryeministri Rishi Sunak pas vendimit të Gjykatës së Apelit. Sunak deklaron se nuk pajtohet aspak me vendimin e Gjykatës, pasi Ruanda thotë kryeministri, është vend i sigurtë për emigrantët.

Ai tha: “Ndërsa e respektoj gjykatën, në thelb nuk pajtohem me përfundimet e tyre. Unë besoj fuqimisht se qeveria e Ruandës ka dhënë garancitë e nevojshme për të siguruar që nuk ka rrezik real që azilkërkuesit e zhvendosur sipas politikës së Ruandës do të kthehen gabimisht në vendet e treta.

Ruanda është një vend i sigurt. Gjykata e Lartë ra dakord. UNHCR-ja ka skemën e saj të refugjatëve për refugjatët libianë në Ruanda. Tani do të kërkojmë leje për të apeluar këtë vendim në Gjykatën e Lartë.

Politika e kësaj qeverie është shumë e thjeshtë, është ky vend që duhet të vendosin se kush do të vijë këtu, jo bandat kriminale. Dhe unë do të bëj gjithçka që është e nevojshme për ta bërë këtë."

Vendimi për azilkërkuesit

Gjykata e Apelit në Londër ka rrëzuar këtë të enjte planin e qeverisë Britanike për frenimin e azilkërkuesve duke i dërguar në Ruanda. Gjykata e sheh si të paligjshme këtë plan të qeverisë ndërsa argumenton se Ruanda nuk është një vend i botës së tretë i sigurt për të strehuar azilkërkuesit. Tre gjyqtarët arritën në përfundimin se mangësitë në sistemin e azilit në Ruandë nënkuptonin se ekzistonte një "rrezik real” si rrjedhojë, azilkërkuesit mund të ktheheshin në vendin e tyre - dhe më pas të përballeshin me persekutim ose ndonjë tjetër trajtim çnjerëzor atje.

sunak vendimi per azilkerkuesit

Sondazh

Poll

MË SHUMË