Bota

Paralajmërimi i ekspertëve: Akullnajat e Himalajeve po shkrihen më shpejt se kurrë! Çfarë pritet të ndodhë në vitet e ardhshme?

Raporti, i publikuar të martën nga Qendra Ndërkombëtare për Zhvillimin e Integruar Malor (ICIMOD), shqyrtoi ndikimin e ndryshimeve klimatike në një zonë që shtrihet 1.6 milionë milje katrorë (4.1 milionë kilometra katrorë) nga Afganistani në perëndim deri në Myanmar në lindje.

20 Qershor 2023, 18:35 Nga a.l
Paralajmërimi i ekspertëve: Akullnajat e Himalajeve po shkrihen
Foto ilustruese

Një raport i publikuar së fundmi nga shkencëtarët ndërkombëtarë në Nepal paralajmëron se majat më të larta në botë rrezikojnë të humbasin deri në 80% të vëllimit të tyre deri në fund të shekullit me pasoja të thella për miliona njerëz.  

Raporti, i publikuar të martën nga Qendra Ndërkombëtare për Zhvillimin e Integruar Malor (ICIMOD), shqyrtoi ndikimin e ndryshimeve klimatike në një zonë që shtrihet 1.6 milionë milje katrorë (4.1 milionë kilometra katrorë) nga Afganistani në perëndim deri në Myanmar në lindje.

Raporti zbuloi se akullnajat në rajonin e maleve Hindu Kush dhe Himalaja u shkrinë 65% më shpejt në vitet 2010 krahasuar me dekadën e mëparshme, gjë që sugjeron se temperaturat më të larta tashmë kanë një ndikim. Akulli dhe bora në rajon ushqejnë 12 lumenj që sigurojnë ujë të ëmbël për dy miliardë njerëz në 16 vende, duke përfshirë Kinën, Indinë dhe Pakistanin. 

I njëjti grup publikoi një raport në vitin 2019, i cili zbuloi se edhe në rastin më optimist, ku ngrohja mesatare globale ishte e kufizuar në 1.5 gradë Celsius mbi temperaturat para-industriale, rajoni do të humbiste të paktën një të tretën e akullnajave të tij. Raporti i përditësuar i grupit tregon se këto parashikime janë përkeqësuar që atëherë.

Me një ngrohje midis 1.5 dhe 2 gradë Celsius, rajoni malor më i lartë në botë do të humbasë 30% deri në 50% të vëllimit të tij deri në vitin 2100, thuhet në raportin e fundit.

Sipas raportit, nëse bota kalon 3 gradë Celsius të ngrohjes, akullnajat në Nepal dhe Butan në Himalajet lindore janë në rrezik të humbasin 75% të akullit të tyre, dhe vetëm një shkallë më shumë, kjo shkon deri në 80%. 

Temperatura mesatare vjetore globale afër sipërfaqes për çdo vit midis 2023 dhe 2027 parashikohet të jetë midis 1.1 gradë Celsius dhe 1.8 gradë Celsius më e lartë se mesatarja e viteve 1850-1900. Shkencëtarët e konsiderojnë ngrohjen 1.5 gradë si një pikë kyçe, përtej së cilës shanset e përmbytjeve ekstreme, thatësirës, ​​zjarreve dhe mungesës së ushqimit mund të rriten në mënyrë dramatike.

Marrë dhe përshtatur nga CNN. 

temperaturat e larta

Sondazh

Poll

MË SHUMË