Bota

Scholz: Gjermania do të miratojë reformën e shtetësisë këtë vit

Mbi 10 milionë nga 84 milionë banorët e Gjermanisë janë të huaj dhe shumë prej tyre nuk kanë nënshtetësi gjermane, edhe nëse ata prej kohësh jetojnë në vend. 

17 Qershor 2023, 12:12 Nga a.l
Scholz: Gjermania do të miratojë reformën e shtetësisë
Olaf Scholz

GJERMANI- Gjermania do të reformojë ligjin e shtetësisë këtë vit dhe do të mundësojë shtetësinë e shumëfishtë për emigrantët. Lajmin e ka bërë të ditur, kancelari gjerman Olaf Scholz, shkruajnë mediat e huaja. 

Duke folur në një konferencë shtypi në Berlin, Scholz tha se qeveria e tij e koalicionit po përgatit aktualisht një projektligj që do të lehtësojë procesin e natyralizimit.

“Me reformën, kushdo që merr nënshtetësinë gjermane do të mund të mbajë shtetësinë e mëparshme. Kjo është një reformë e nevojshme, tani po hyjmë në vijën përfundimtare dhe kjo do të realizohet brenda këtij viti”, tha ai, duke shtuar se aktualisht, ky është rasti për shtetasit nga vendet anëtare të BE- së dhe disa vende të tjera.

Mbi 10 milionë nga 84 milionë banorët e Gjermanisë janë të huaj dhe shumë prej tyre nuk kanë nënshtetësi gjermane, edhe nëse ata prej kohësh jetojnë në vend. 

olaf scholz

Sondazh

Poll