Politike

Tensionet në Kosovë, deputeti i PD, i gatshëm për luftë: Jam i pari që marr armën!

Dogjani kërkoi që kryeministri Edi Rama të shkojë në Kuvend dhe të dënojë gjithashtu dhunën që po ushtrohet në Kosovës. 

15 Qershor 2023, 12:12 Nga k.m.
Tensionet në Kosovë, deputeti i PD, i gatshëm për
Asllan Dogjani

TIRANË- Deputeti i Partisë Demokratike, Asllan Dogjani u shpreh se është gati të marrë armën për të luftuar për Kosovën, e cila prej disa javësh tashmë ka marrëdhënie të tensionuara me Serbinë. Gjatë fjalës së tij në Kuvendin e Shqipërisë, Dogjani kërkoi që të mbahej një rezolutë për të dënuar dhunën në Kosovë. Në fjalën e tij, ndër të tjera Dogjani kërkoi që kryeministri Edi Rama të shkojë në Kuvend dhe të dënojë gjithashtu dhunën që po ushtrohet në Kosovës. 

"Për Kosovën i marr armët. Po i marr armët, ne kuksjanët e kemi treguar. Jam i pari që marr armët. Kuksianët janë të parët që kanë marrë armët për çlirimin e Kosovës, janë vrarë disa të rinjtë kuksianë. Nuk kam ardhur këtu me votat tuaja, por me ato të demokratëve të Kamzës. Unë kërkova të dalim me një rezolutë për të dënuar dhunën ndaj qytetarëve të Kosovës. Këtë kam kërkuar. Sot nuk duhet të dilnim për të diskutuar këto projektligje, por duhet të dilnim jashtë radhe për të mbështetur qytetarët.

Kërkojmë që kryeministri jonë të mos bëjë paçavure e platformave, por të vijë këtu të jetë transparent. Por jo të sillet poshtë e përpjetë, të dalim me rezolutë për të dënuar dhunën e ushtruar në Kosovë nga grupet kriminale,"-tha ndër të tjera Dogjani.

 

asllan dogjani seance plenare 15 qershor 2023

Sondazh

Poll

MË SHUMË