Politike

Asociacioni/ Berisha: Rama në sintoni me Vuçiç, synon ndarjen e Kosovës

Në një deklaratë për mediat, Berisha tha se Rama dhe Vuçiç duan ndarjen e Kosovës, por shtoi se kjo gjë nuk do ndodhë.

9 Qershor 2023, 12:53 Nga I.A
Asociacioni/ Berisha: Rama në sintoni me Vuçiç, synon ndarjen
Sali Berisha

TIRANË- Kryetari i Partisë Demokratike Sali Berisha ka deklarura se draft-statiti i Edi Ramës për Asosacionin në Kosovë është i përpiluar nga Aleksandër Vuçiç. Në një deklaratë për mediat, Berisha tha se Rama dhe Vuçiç duan ndarjen e Kosovës, por shtoi se kjo gjë nuk do ndodhë. Berisha u shpreh se drafti i propozuar nga Rama është një thikë pas shpine për Kosovën, që presidenti serb po e arrin përmes vasalit të tij.

"As që e kam lexuar dhe nuk kam asnjë interes. Unë u them atyre që përpiqen të përdorin Ramën, vetëm sa komplikoni zgjidhjen e problemit. Çështja e Asociacionit nuk është çështje drafti. Draftin e Ramës, sigurisht e ka shkruar Vuçiçi. Kjo është për t’i thënë Albin Kurtit, që ti as këtë që ka hartuar Tirana, nuk e pranon. Kjo është një thikë pas shpine, që Aleksandër Vuçiç, doktrinari i gjenocidit, arrin t’i fusë Kosovës përmes vasalit të vet, Edi Rama. Nuk është asgjë tjetër, Brukseli, Uashingtoni, Londra, Parisi, Berlini kanë grupet më të shkëlqyera të ekspertëve, por për hir të së vërtetës, ai draft duhet të hartohet nga ata që do e zbatojnë. Futja e Edi Ramës në mes, ishte vetëm për t’i futur një thikë, siç bëri me hartat. Kush vraponte me hartat e ndarjes së Kosovës dhe kufijve? Iniciatori i atij projekti, rezulton sipas burimeve shumë serioze të jetë Edi Rama, pra të jetë Vuçiçi përmes argatit të tij. Me këtë rast, mund të them se nëse procesi i negociatave midis Kosovës dhe Serbisë eci brenda dy vitesh me një kurs të pandalshëm, që nga viti 2013 është shndërruar në pëlhurë të Penelopës. Ky, në sintoni me Vuçiçin, synon ndarjen e Kosovës. Por ndarja e Kosovës nuk është opsion kurrë. Ndaj Edi Ramës i ra maska, Kosova bëri reagimin e vet në union," tha Berisha.

sali berisha edi rama

Sondazh

Poll

MË SHUMË