Bota

'Nuk kanë bërë asnjë shkelje'/ Kurti në Bradislavë: Policia jonë po bën punë profesionale

Ai tha se nuk ka asnjë shkelje nga ana e Policisë, lidhur me zhvillimet e fundit në komunat në veri të Kosovës. 

31 Maj 2023, 12:42 Nga a.l
'Nuk kanë bërë asnjë shkelje'/ Kurti në
Albin Kurti

SLLOVAKI- Kryeministri Albin Kurti ka mbrojtur veprimet e Policisë së Kosovës gjatë protestës së ditës së martë e cila përshkallëzoi në dhunë ndaj ushtrisë së KFOR. Ai tha se nuk ka asnjë shkelje nga ana e Policisë, lidhur me zhvillimet e fundit në komunat në veri të Kosovës. 

“Policia jonë po bën punë profesionale, janë të trajnuar, i dinë të drejtat e njeriut dhe nuk ka shkelje nga ana e Policisë sonë”, tha Kurti nga Bratislava. 

Sot është dita e 3-të e protestave në veri të Kosovës

Një numër i madh qytetarësh serbë janë mbledhur prej mëngjesit të kësaj të mërkure për të protestuar në katër komunat në veri të Kosovës, kundër kryetarëve të rinj shqiptar. Të pranishëm në protestën e sotme janë edhe krerët e Listës Serbe Igor Simiç dhe Goran Rakiç. Krahasuar me një ditë më parë, numri i pjesëmarrësve serbë sot është më i lartë. Ndërsa KFOR dhe policia e Kosovës kanë shtuar masat, duke krijuar një perimetër sigurie rreth selive të komunave veriore përmes një gardhi me tela me gjemba. Ngjarja është në zhvillim./Dosja.al

forumi i sigurise ne bratislave albin kurti

Sondazh

Poll