Bota

Forumi i Sigurisë në Bratislavë/ Kurti për protestat në veri: Zgjidhja është si një rrugë me dy shirita! Në fillim të largohen huliganët

Sipas tij, fillimisht duhet të tërhiqen huliganët nga rrugët para komunave e më pas të nisë largimi i forcave të policisë, e cila do të pasojë me normalizimin e situatës dhe implementimin e marrëveshjes së Brukselit. 

31 Maj 2023, 12:33 Nga a.l
Forumi i Sigurisë në Bratislavë/ Kurti për protestat në
Albin Kurti

SLLOVAKI- Kryeministri Albin Kurti në Forumin e Sigurisë Globsec 2023 tha se zgjidhjen e tensioneve në veri e sheh në një “rrugë të drejtë me dy shirita”. Sipas tij, fillimisht duhet të tërhiqen huliganët nga rrugët para komunave e më pas të nisë largimi i forcave të policisë, e cila do të pasojë me normalizimin e situatës dhe implementimin e marrëveshjes së Brukselit. 

“Po punojmë shumë të gjejmë rrugëdaljen. S’duhet të jetë rrugë e lakuar, por me dy vija. E para, të dilet nga kriza me sundim të ligjit, huliganët në Serbi ose në burg në Kosovë, e më pas ulja e numrit të policisë dhe normalizim të situatës dhe implementim i shpejtë, i plotë, pa shtyrje e pa kushte i marrëveshjes së Brukselit”, tha Kurti në Forumin e Bratislavës. 

Sot është dita e 3-të e protestave në veri të Kosovës

Një numër i madh qytetarësh serbë janë mbledhur prej mëngjesit të kësaj të mërkure për të protestuar në katër komunat në veri të Kosovës, kundër kryetarëve të rinj shqiptar. Të pranishëm në protestën e sotme janë edhe krerët e Listës Serbe Igor Simiç dhe Goran Rakiç. Krahasuar me një ditë më parë, numri i pjesëmarrësve serbë sot është më i lartë. Ndërsa KFOR dhe policia e Kosovës kanë shtuar masat, duke krijuar një perimetër sigurie rreth selive të komunave veriore përmes një gardhi me tela me gjemba. Ngjarja është në zhvillim./Dosja.al

forumi i sigurise ne bratislave

Sondazh

Poll