Bota

EULEX: Përshkallëzimi në veri të Kosovës është shqetësues dhe i papranueshëm

Misioni i Bashkimit Evropian për Sundimin e Ligjit në Kosovë(EULEX) deklaron se përshkallëzimi i fundit i dhunës në veri të vendit është shqetësues dhe i papranueshëm.

30 Maj 2023, 11:55 Nga a.l
EULEX: Përshkallëzimi në veri të Kosovës
EULEX Kosovë

KOSOVË- Misioni i Bashkimit Evropian për Sundimin e Ligjit në Kosovë(EULEX) deklaron se përshkallëzimi i fundit i dhunës në veri të vendit është shqetësues dhe i papranueshëm.

"Situata e sigurisë atje është ende e tensionuar dhe kjo është një shkak për shqetësim të madh. Ne u bëjmë thirrje të gjithëve që të veprojnë me maturi, të shmangin dhunën dhe të marrin masa për të de-përshkallëzuar këtë situatë të tensionuar. Paqja duhet të rivendoset urgjentisht në interes të të gjithëve komunitetet që jetojnë në veri të Kosovës”, thuhet në njoftim, shkruan Kurir.rs. 

Si paraqitet situata në veri të Kosovës? 

Qytetarët serbë kanë dalë sot sërish në protestë në veri të Kosovës për të ndaluar hyrjen e kryetarëve të rinj shqiptarë në selitë e komunave në veri Zubin Potok, Zveçan dhe Leposaviç. Protesta ka nisur pa incidente, ndërsa KFOR dhe Policia e Kosovës kanë ngritur barrikada sigurie rreth ndërtesave shtetërore për të shmangur përshkallëzimin e situatës. Ndërkohë, kryekomunarët kanë njoftuar se për shkak të situatës, ata sot nuk do të paraqiten në zyrat e punës. KFOR ka bërë thirrje për uljen e tensioneve nga dy palët e konfliktit Kosovë-Serbi, ndërsa ka kërkuar që të mbahet përgjegjësi për ushtarët e plagosur. Ngjarja është në zhvillim.

tensione në veri të kosovës

Sondazh

Poll

MË SHUMË