Aktualitet

Ukrainasi e rusët e "spiunazhit" rimarrin automjetin luksoz (VIDEO)

Pas lirimit nga qelia, dy rusët Mikhail Zorin dhe Svetlana Timofeeva si dhe ukrainasi Fedir Alpatov janë parë duke qarkulluar pranë Zaranikës me automjetin e tyre

29 Maj 2023, 14:55 Nga m.s
Ukrainasi e rusët e "spiunazhit" rimarrin automjetin luksoz
Mikhail Zorin

TIRANË- Ukrainasi dhe dy rusët të akuzuar për spiunazh, kanë rimarrë automjetin e tyre të sekuestruar nga policia në momentin e arrestimit 9 muaj më parë. Pas lirimit nga qelia, dy rusët Mikhail Zorin dhe Svetlana Timofeeva si dhe ukrainasi Fedir Alpatov janë parë duke qarkulluar pranë Zaranikës me automjetin e tyre, raporton “Panorama”.

Zorin është lënë në “arrest shtëpie”, ndërsa të pandehurit Svetlana Timofevaa dhe Fedir Alpatov, do të jenë të lirë, por prokuroria ka urdhëruar bllokimin e pasaportave të tyre.

Shkak për lirimin me kërkesë të akuzës, është bërë mbarimi i afateve të paraburgimit, ndërkohë që prokurorisë nuk i ka mbërritur ende ekspertiza që lidhet me pajisjet fotografuese dhe ato të vëzhgimit me të cilat u ndaluan pranë uzinës së Gramshit në gusht 2022.

Të tre u arrestuan nga policia, ndërsa u hetuan edhe si spiunë të shërbimit sekret rus. Në makinën me targa ukrainase, që po përdorej prej tyre gjatë qëndrimit në Shqipëri u gjetën 2 dronë, 4 celularë, 1 laptop, 1 kamer, karta memorie, 3 pasaporta, 2 aparate fotografikë, harta, të cilat u sekuestruan nga policia.

mikhail zorin zvetlana timofeeva fedir alpatov

Sondazh

Poll

MË SHUMË