Aktualitet

Qarkullonte i armatosur! 'Shqiponjat' arrestojnë 37-vjeçarin në Tiranë, partneres i gjejnë kanabis në çantë

Në rrugën dytësore Tiranë-Vorë, shërbimet e Policisë kanë ndaluar automjetin me drejtues 37-vjeçarin dhe gjatë kontrollit të automjetit, gjetën një armë zjarri pistoletë dhe sasi lënde të dyshuar narkorike kokainë.

29 Maj 2023, 14:28 Nga A.B
Qarkullonte i armatosur! 'Shqiponjat' arrestojnë
Arma

TIRANË- Një 37-vjeçar është vënë në pranga nga forcat 'Shqiponja' pasi është kapur duke lëvizur me armë dhe me lëndë narkotike. 

Personi me inicialet A. Z., 37 vjeç, banues në Golem u vu në pranga, ndërsa gruaja me inicialet E. B., 35 vjeçe, banuese në Tiranë u vu nën hetim. Në rrugën dytësore Tiranë-Vorë, shërbimet e Policisë kanë ndaluar automjetin me drejtues 37-vjeçarin dhe gjatë kontrollit të automjetit, gjetën një armë zjarri pistoletë dhe sasi lënde të dyshuar narkorike kokainë. Në vijim të veprimeve, gjatë kontrollit të çantës së shtetases E. B. (pasagjere në mjet), gjetën sasi lënde narkotike të dyshuar kanabis, e cila u sekuestrua në cilësinë e provës materiale sëbashku me pistoletën dhe kokainën. 

NJOFTIMI I POLICISË:

Finalizohet nga Forca e Posaçme "Shqiponja", në bashkëpunim me Komisariatin e Policisë Nr. 6 operacioni policor i koduar "Sunday". Qarkullonte me automjet i armatosur dhe me lëndë narkotike, vihet në pranga 37-vjeçari.Procedohet penalisht pasagjerja në mjet. Sekuestrohen një armë zjarri pistoletë me municion luftarak, si dhe sasi të vogla lënde të dyshuar narkotike kokainë dhe kanabis.

Shërbimet e Forcës së Posaçme "Shqiponja", në bashkëpunim me Komisariatin e Policisë Nr. 6, në vijim të punës për goditjen e paligjshmërisë në fushën e armëmbajtjes pa leje, bazuar dhe në inteligjencën informative për një shtetas që qarkullonte i armatosur në rrugën dytësore Tiranë-Vorë, menjëherë kanë organizuar punën për kapjen e tij dhe kanë finalizuar operacionin policor të koduar "Sunday".

Si rezultat i tij u arrestua në flagrancë shtetasi A. Z., 37 vjeç, banues në Golem. Gjithashtu, u procedua penalisht shtetasja E. B., 35 vjeçe, banuese në Tiranë. Në rrugën dytësore Tiranë-Vorë, shërbimet e Policisë kanë ndaluar automjetin me drejtues shtetasin A. Z., dhe gjatë kontrollit të automjetit, gjetën një armë zjarri pistoletë dhe sasi lënde të dyshuar narkorike kokainë. Në vijim të veprimeve, gjatë kontrollit të çantës së shtetases E. B. (pasagjere në mjet), gjetën sasi lënde narkotike të dyshuar kanabis, e cila u sekuestrua në cilësinë e provës materiale sëbashku me pistoletën dhe kokainën. Materialet i kaluan Prokurorisë, për veprime të mëtejshme procedurale.

arrestim ne tirane

Sondazh

Poll

MË SHUMË