Bota

Raporti i OKB-së: Gati 1.4 milionë njerëz janë zhvendosur në Sudan që nga shpërthimi i luftës civile

Vendi priti gjithashtu 1.13 milionë refugjatë nga vende të tjera të përfshira nga konflikti, duke përfshirë Sudanin e Jugut, Eritrenë dhe Sirinë, sipas të dhënave të UNHCR-së.

29 Maj 2023, 09:40 Nga m.s
Raporti i OKB-së: Gati 1.4 milionë njerëz janë zhvendosur
Sudanezët e Jugut që ikën nga Sudani ulen jashtë në një qendër tranziti në Renk, Sudani i Jugut

SUDAN- Gati 1.4 milion njerëz janë zhvendosur në Sudan që nga shpërthimi i konfliktit midis dy gjeneralëve rivalë në prill, tha të dielën Zyra e Kombeve të Bashkuara për Koordinimin e Çështjeve Humanitare (OCHA), në një raport të ri që ekspozon shkallën e katastrofës që ka përfshirë kombin afrikan. 

Edhe përpara se luftimet të intensifikoheshin, vitet e paqëndrueshmërisë politike nënkuptonin se Sudani kishte disa milionë njerëz të zhvendosur brenda vendit. 

Vendi priti gjithashtu 1.13 milionë refugjatë nga vende të tjera të përfshira nga konflikti, duke përfshirë Sudanin e Jugut, Eritrenë dhe Sirinë, sipas të dhënave të UNHCR-së.

Përhapja e re e dhunës ka detyruar një valë të re njerëzish të largohen nga shtëpitë e tyre, ose duke u zhvendosur diku tjetër në Sudan ose duke kaluar në vendet fqinje, raporton "CNN".

Që nga shpërthimi i luftimeve më 15 prill, më shumë se 1 milion janë zhvendosur brenda vendit që nga 23 maji, sipas Matricës së Gjurmimit të Zhvendosjeve të Organizatës Ndërkombëtare për Migracionin (IOM) të OKB-së.

"Numri i personave të zhvendosur brenda vendit (15 prill deri më 23 maj) është i krahasueshëm me atë të regjistruar për të gjithë zhvendosjet në vend nga viti 2020 deri në vitin 2022”, thuhet në njoftim.

sudan lufta civile

Sondazh

Poll

MË SHUMË