Bota

Koreja e Veriut paralajmëron Japoninë për lëshimin e 'satelitit'

Zyra e kryeministrit japonez Fumio Kishida njoftoi se janë dhënë udhëzime për çështjen e “njoftimit të Koresë së Veriut, në lidhje me lëshimin e një rakete balistike”.

29 Maj 2023, 09:14 Nga m.s
Koreja e Veriut paralajmëron Japoninë për lëshimin e
foto ilustruese

KOREJA E VERIUT - Koreja e Veriut ka njoftuar Japoninë për një lëshim satelitor në javët e ardhshme. Lajmin e ka përcjellë roja bregdetare japoneze, një plan që qeveria japoneze thotë se do të përfshijë një provë rakete balistike. Pheniani ka informuar rojen bregdetare japoneze se raketa do të lëshohet midis 31 majit dhe 11 qershorit, dhe pritet të zbresë në ujërat pranë Detit të Verdhë, Detit të Kinës Lindore dhe ishullit Filipine Luzon, tha një zëdhënës i rojes bregdetare për AFP.

Nga ana tjetër, zyra e kryeministrit japonez Fumio Kishida njoftoi se janë dhënë udhëzime për çështjen e “njoftimit të Koresë së Veriut, në lidhje me lëshimin e një rakete balistike”.

Kishida urdhëroi ministritë dhe agjencitë përkatëse të mbledhin informacion, të jenë vigjilentë dhe të punojnë ngushtë me aleatët e vendit, veçanërisht me SHBA-në dhe Korenë e Jugut, thanë shërbimet e Kishida në Twitter.

Pheniani ka rritur testimin e raketave balistike që nga viti i kaluar, disa prej të cilave kanë ndezur alarmin në arkipelagun japonez, raporton "Protothema".
Ministria japoneze e Mbrojtjes njoftoi nga ana e saj se urdhëroi që të bëhen përgatitje për të shkatërruar çdo raketë që kërcënon territorin japonez, duke përdorur ose raketa kundërajrore SM-3 ose sistemin Patriot.

koreja e veriut japoni

Sondazh

Poll

MË SHUMË