Bota

SHBA lejon testimin e çipit në tru, Elon Musk merr “dritën jeshile”

Neuralink shpreson të përdorë mikroçipet e saj, për të trajtuar kushte të tilla si paraliza dhe verbëria, dhe për të ndihmuar disa njerëz me aftësi të kufizuara të përdorin kompjuterët dhe teknologjinë celulare.

29 Maj 2023, 09:31 Nga m.s
SHBA lejon testimin e çipit në tru, Elon Musk merr
Elon Musk

SHBA- Firma e çipave të trurit të Elon Musk ka fituar miratimin e SHBA-së për studime tek njeriu. Firma e Elon Musk thotë se ka marrë miratimin nga Administrata Amerikane e Ushqimit dhe Barnave (FDA) për të kryer testet e saj të para te njerëzit.

Kompania e implanteve Neuralink, dëshiron të ndihmojë në rivendosjen e shikimit dhe lëvizshmërisë tek njerëzit, duke lidhur trurin me kompjuterët.

Po kështu, kompania thotë se nuk ka plane të menjëhershme, për të filluar rekrutimin e pjesëmarrësve. Ambiciet e mëparshme të Musk për të filluar testet dështuan, shkruan "BBC". 

Një ofertë e mëparshme nga Neuralink, për të fituar miratimin e FDA, u refuzua për arsye sigurie, sipas një raporti në mars nga agjencia e lajmeve Reuters që citonte shumë punonjës aktualë dhe të mëparshëm.

Çfarë është Neuralink?

Neuralink shpreson të përdorë mikroçipet e saj, për të trajtuar kushte të tilla si paraliza dhe verbëria, dhe për të ndihmuar disa njerëz me aftësi të kufizuara të përdorin kompjuterët dhe teknologjinë celulare.

Çipat - të cilët janë testuar te majmunët, janë krijuar për të interpretuar sinjalet e prodhuara në tru dhe për të transmetuar informacionin te pajisjet përmes Bluetooth. Ekspertët kanë paralajmëruar se implantet e trurit të Neuralink, do të kërkojnë testime të gjera për të kapërcyer sfidat teknike dhe etike, nëse ato do të bëhen gjerësisht të disponueshme.

Musk gjithashtu ka sugjeruar më parë se teknologjia e propozuar mund të ndihmojë në lehtësimin e shqetësimeve rreth zhvendosjes së njerëzve nga AI. Duke njoftuar lajmet e së enjtes në Twitter, Neuralink foli për një "hap të parë të rëndësishëm që një ditë do të lejojë teknologjinë tonë të ndihmojë shumë njerëz".

Miratimi ishte "rezultat i punës së jashtëzakonshme nga ekipi Neuralink, në bashkëpunim të ngushtë me FDA", tha ai.

Firma premtoi më shumë informacion "së shpejti", mbi planet për të regjistruar pjesëmarrësit e provës. Faqja e saj e internetit premton se "siguria, aksesueshmëria dhe besueshmëria" janë të gjitha prioritetet gjatë procesit të tij inxhinierik.

Kompania e cila u bashkëthemelua nga Musk në vitin 2016, ka mbivlerësuar vazhdimisht shpejtësinë me të cilën mund të ekzekutojë planet e saj.

elon musk fda

Sondazh

Poll

MË SHUMË