Bota

Vijojnë tensionet në veri/ Serbët bllokojnë komunën e Leposaviç, gjuajnë me gurë gazetarët, Hetemi ende jashtë zyrës

Mediat kosovare raportuan pak më herët se në Komunën e Leposaviçit është lëshuar sërish alarmi, teksa afër objektit komunal është bllokuar rruga përmes një kamioni.

26 Maj 2023, 16:10 Nga a.l
Vijojnë tensionet në veri/ Serbët bllokojnë komunën e
Protesta në Serbi

KOSOVË- Vijojnë tensionet në veri të Kosovës. Qytetarët serbë që janë mbledhur para objektit të Komunës së Leposaviçit për të penguar hyrjen e kryetarit Lulzim Hetemi, kanë filluar të gjuajnë gurë në drejtim të gazetarëve. 

Mediat kosovare raportuan pak më herët se në Komunën e Leposaviçit është lëshuar sërish alarmi, teksa afër objektit komunal është bllokuar rruga përmes një kamioni.

Çfarë po ndodh?

Mesditën e sotme në të 4 komunat me shumicë serbë në veri të Kosovës, u dëgjuan sirena alarmi, ku para objekteve komunale në Zubin Potok, Zveçan dhe Leposaviç u mblodhën edhe qytetarë. Situata është agravuar ndërsa janë dëgjuar të shtëna me armë zjarri, është hedhur gaz lotsjellës nga policia për të shpërndarë protestuesit të cilët kanë djegur edhe makina.

Kjo protestë po bëhet në shenjë revolte nga protestuesit serb kundrejt kryetarëve të rinj shqiptarë të zgjedhur në katër komunat me shumicë serbe.

tensione në veri të kosovës

Sondazh

Poll

MË SHUMË