Sport

Shakhtar Donetsk ‘acarohet’ me Barçën, lojtarët e saj falenderojnë tifozët rusë!?...

Alejandro Balde dhe Sergi Roberto falënderuan fansat ruse. Shefi ekzekutiv i klubit ukrainas Palkin 'shpreh zemërim'

23 Maj 2023, 11:30 Nga DOSJA
Shakhtar Donetsk ‘acarohet’ me Barçën, lojtarët e

UKRAINE - Shakhtar Donetsk ka kritikuar Barcelonën, pasi disa lojtarë të tyre falënderuan tifozët në Rusi, për mbështetjen e tyre këtë sezon dhe i kërkuan klubit katalanas që të kërkonte falje. Alejandro Balde dhe Sergi Roberto regjistruan mesazhe në spanjisht, që u postuan në shërbimin e mesazheve në Telegram, nga transmetuesi rus për La Liga me titra. 

Liga spanjole ka treguar mbështetje të madhe për Ukrainën që nga pushtimi i saj nga Rusia në 2022 me shfaqje solidariteti, duke e bërë vendimin për të prodhuar videon shqetësuese.

“Klubi ukrainas i futbollit Shakhtar shpreh zemërimin e tij në lidhje me video-mesazhin e postuar nga lojtarët e Barcelonës, Alejandro Balde dhe Sergi Roberto me fjalë mirënjohjeje për tifozët e futbollit nga Rusia”,- tha shefi ekzekutiv i Shakhtarit, Sergei Palkin. 

“Shpresojmë që FC Barcelona të jetë e vetëdijshme, se mbështetja e tyre për një vend siç është Rusia, në këtë kohë është krejtësisht e papranueshme. Ne presim që klubi të pranojë gabimin e tij dhe të shmangë situata të ngjashme në të ardhmen.”

“Është viti i dytë i një pushtimi ushtarak të përgjakshëm dhe të pajustifikueshëm nga Federata Ruse në territorin e Ukrainës”,- tha Palkin. “Mijëra ukrainas u bënë viktima të kësaj lufte, dhjetëra qytete u shkatërruan, miliona njerëz humbën shtëpitë e tyre dhe u bënë refugjatë. E gjithë bota u bashkua për të mbështetur Ukrainën dhe popullin ukrainas dhe dënoi pushtimin. Çdo ditë ne bëjmë gjithçka për të përshpejtuar fitoren e Ukrainës dhe për të mbrojtur vlerat evropiane të lirisë dhe demokracisë.

Dhe befas ne shohim lojtarët e një prej klubeve më të mira në botë, Barcelonës, që u drejtohen rusëve, duke u shprehur mirënjohjen dhe mbështetjen e tyre. Ne e konsiderojmë këtë një akt të patolerueshëm dhe thjesht imoral. Duhet të kujtojmë se asnjë fitore në fushën e futbollit nuk ia vlen me jetën e një fëmije, asnjë para e fituar në tregun e futbollit nuk vlen për qytetet e shkatërruara dhe jetët e shkatërruara të njerëzve,”- është shprehur Palkin. Barcelona është kontaktuar nga ukrainasit për koment.

B.T (Dosja.al)

Sondazh

Poll

MË SHUMË