Bota

Zgjedhjet në Greqi/ Voton Mitsotakis: Zgjedhjet janë festë e demokracisë

Pas ushtrimit të së drejtës së tij për të votuar, Kyriakos Mitsotakis i bëri thirrje popullit të votojnë për një të ardhme më të fortë.

21 Maj 2023, 10:42 Nga f.i

Zgjedhjet në Greqi/ Voton Mitsotakis: Zgjedhjet janë festë e

Kyriakos Mitsotakis

GREQI- Kryeministri dhe presidenti i Demokracisë së Re, Kyriakos Mitsotakis sapo votoi në një shkollë fillore të Kifisisë. Pas ushtrimit të së drejtës së tij për të votuar, Kyriakos Mitsotakis i bëri thirrje popullit të votojnë për një të ardhme më të fortë.

“Sot votojmë për të ardhmen tonë, për paga më të larta, më shumë dhe punë më të mira, për një sistem më efikas të sigurimeve shoqërore, për një shoqëri me më pak pabarazi, për një atdhe më të fortë me një rol të rëndësishëm në Europë, kufij të mbrojtur. Zgjedhjet janë festë e demokracisë. Përgjegjësia për qeverisjen e vendit fillon nga ju, por jam absolutisht i sigurt që nesër do të gdhijë një ditë edhe më e mirë për vendin tonë”- tha Mitsotakis.

Sot Greqia voton për zgjedhjet parlamentare. Rreth 9.8 milionë grekë janë thirrur për të votuar për qeverinë e re teksa dy partitë kryesore janë ‘Demokracia e re’ e kryeminsitrit aktual Mitsotakis si dhe ‘SIRIZA’ e paraardhësit e tij, Aleksis Tsipras. Sipas sondazheve të fundit, diferenca mes Mitsotakis dhe Tsipras pritet të jetë 6% por rezultati mund të jetë edhe më i ngushtë. Janë 6 parti greke konkurrojnë në kto zgjedhje, ndërkohë që 7 prej kandidatëve për deputetë janë shqiptarë.

zgjedhjet ne greqi 2023