Politike

"Hajdutë jeni..."/ Episodi tek "Vasil Shanto" me numëruesen e PS, reagon edhe Arlind Qori: Nëse vazhdohet kështu, s'do ketë proces të ndershëm zgjedhor

Arlind Qori i ka dedikuar një postim të shkurtër në rrjetet e tij sociale, duke theksuar se fenomeni duhet luftuar për të pasur zgjedhje të lira dhe të ndershme.

17 Maj 2023, 22:16 Nga k.m.

"Hajdutë jeni..."/ Episodi tek "Vasil Shanto" me
Arlind Qori dhe numëruesja e votave

TIRANË- Arlind Qori, kreu i "Lëvizja Bashkë" ka reaguar lidhur me numeruesen e votave në shkollën "Vasil Shanto" që e shfaqi haptazi për kë bënte tifo. Pas publikimit të pamjeve në mediave, Qori i ka dedikuar një postim të shkurtër në rrjetet e tij sociale, duke theksuar se fenomeni duhet luftuar për të pasur zgjedhje të lira dhe të ndershme.

"Sot aktivistët e Lëvizjes BASHKË u bënë dëshmitarë të një skene të shëmtuar në fund të procesit të numërimit të votave në shkollën Vasil Shanto. Në kundërshti me ligjin dhe në mes të procesit të numërimit, anëtarët e grupeve të numërimit të votave bënin tifozllëk për Partinë Socialiste, duke ndezur edhe të tjerë patronazhistë që kishin mbushur sallën, pa pasur asnjë lidhje me procesin zgjedhor. Kjo ngjarje është simptoma e një procesi të anshëm e të shëmtuar, ku numëruesit në vend që të jenë mbi palët dhe të ndershëm, janë palë, madje e vetmja palë. Në Shqipëri nuk do të ketë proces të ndershëm zgjedhor nëse vazhdohet t'i varen ujkut mëlçitë në qafë,"-shkruan ai në postimin e tij.

POSTIMI I PLOTË:

arlind qori zgjedhjet lokale 14 maj 2023

Sondazh

Poll

MË SHUMË