Politike

“Persona me armë pranë qendrave”/ Ervin Salianji nxjerr FOTON nga votimet: Dhjetëra mercenarë u sollën për të kërcënuar qytetarët, Kavaja rezistoi!

Ervin Salianji tha se personat në foto kanë ushtruar presion tek votuesit.

17 Maj 2023, 21:37 Nga k.m.
“Persona me armë pranë qendrave”/ Ervin Salianji nxjerr
Fotoja e shpërndarë nga Salianji

KAVAJË- Deputeti i Partisë Demokratike, drejtuesi politik në Kavajë, Ervin Salianji ka nxjerrë një foto të disa personave që sipas tij kanë terrorizuar qytetarët në zgjedhjet e 14 majit. Me anë të një postimi në rrjet sociale, Salianji tha se personat në foto kanë ushtruar presion tek votuesit, madje theksoi se të tjerë u sollën nga qytete të tjera për të ndihmuar në zgjedhjet e Kavajës.

“Persona me armë pranë qendrave”/ Ervin Salianji nxjerr
Fotoja e shpërndarë nga Salianji

"Dhjetra mercenarë apo persona të grupeve kriminale u paguan dhe u sollën në Kavajē për të kërcënuar votuesit! Rasti qe po ju tregoj në foton poshtë është incidenti i raportuar ku personalisht pata përplasje para qëndrës së votimit 2174 “Bizhdili”. Persona me armë dhe me hekura qëndronin afër qëndrave të votimit për të krijuar klimë frike dhe terrori! Policia as nuk pati guximin të ndërhynte pavarësisht denoncimit!,"-shkruan ndër të tjera Salianji.

POSTIMI I PLOTË

Fitore e plotē e opozitës në Kavajë! Qytetarët e Kavajës përveç kryetarit i japin shumicën në kēshillin bashkiak opozitës! Kavaja i rezistoi presionit dhe dhunës! Gjithë administrata publike, çdo agjensi, drejtori e qeverisë por dhe institucione të pavarura si prokurorë, gjyqtarë apo njerëz të shërbimeve ishin në Kavajë për javë me radhë për të trysnuar, joshur apo kërcënuar votuesit! Nga të dhënat e shtabeve tona por dhe informacionet nga kundërshtari politik thuajse 2150 votues u sollën nga emigracioni duke ju paguar biletat për të votuar Partinë Socialiste! Dhjetra mercenarë apo persona të grupeve kriminale u paguan dhe u sollën në Kavajē për të kërcënuar votuesit! Rasti qe po ju tregoj në foton poshtë është incidenti i raportuar ku personalisht pata përplasje para qëndrës së votimit 2174 “Bizhdili”. Persona me armë dhe me hekura qëndronin afër qëndrave të votimit për të krijuar klimë frike dhe terrori! Policia as nuk pati guximin të ndërhynte pavarësisht denoncimit! Strukturat tona ia dolën me një fushatë të jazhtëzakonshme, me shpenzime minimale, me buxhet thuajse inekzistent por me vendosmëri maksimale për ti rikthyer bashkinë qytetarëve!

Zgjedhjet nuk ishin të lira, të ndershme dhe të barabarta!

ervin salianji pd zgjedhjet lokale 14 maj 2023 kavajë

Sondazh

Poll

MË SHUMË