Politike

Flet demokrati që fitoi Mirditën: Do bashkëpunoj me Ramën, të më japë fonde!

Albert Mëlyshaj tha se do t’i shtrijë dorën e bashkëpunimit kryeministrit Edi Rama që të marrë fonde për Mirditën.

17 Maj 2023, 21:21 Nga k.m.
Flet demokrati që fitoi Mirditën: Do bashkëpunoj me Ramën,
Albert Mëlyshaj

MIRDITË- Kandidati i "Bashkë Fitojmë", Albert Mëlyshaj, fitoi zgjedhjet në bashkinë Mirditë duke mposhtur kandidatin socialist Ndrec Dedaj, por në mesazhin e tij të fitores, i dërgoi edhe një mesazh kryeministrit Edi Rama. Në një intervistë për Euronews Albania, Mëlyshaj tha se do t’i shtrijë dorën e bashkëpunimit kryeministrit Edi Rama që të marrë fonde për Mirditën.

“Unë nuk e shoh të vështirë bashkëpunimin me qeverinë, do investohem maksimalisht të bashkëpunoj jo vetëm me kryeministrin, por me këdo që do të ndihmojë mirditorët. Kjo është detyra ime. Qoftë me kryeministrin e Shqipërisë, që edhe ai ka detyrë ta bëjë. Do ta bëj për mirditorët. Kjo është arsyeja pse jam përfshirë në politikë, që të jap kontributin tim për Mirditën,”- tha Mëlyshaj.

Sipas rezultateve nga KQZ, Albert Mëlyshi ka marrë 6355 vota, ose 55.19 %. Ndërkohë, kandidati i Partisë Socialiste, Ndrec Dedaj ka marrë 5160 vota, ose 44.81 %.

albert melyshaj

Sondazh

Poll

MË SHUMË