Politike

PEQIN/ Përfundon numërimi, PS fiton bindshëm! Në Kuçovë kryeson “Koalicioni”

Bukurosh Maçi i PS ka arritur të sigurojë 6400 vota, ndërsa kundërshtari i tij, Mustafa Pashja i koalicionit “Bashkë Fitojmë” ka siguruar 4.677.

15 Maj 2023, 09:10 Nga f.i
PEQIN/ Përfundon numërimi, PS fiton bindshëm! Në
foto ilustruese

PEQIN- Ka përfunduar numërimi i kutive në Bashkinë e Peqinit, ku këtu mandatin 4-vjeçar për kryetar Bashkie e ka fituar Bukurosh Maçi i PS me 57.78% të votave. Bukurosh Maçi i PS ka arritur të sigurojë 6400 vota, ndërsa kundërshtari i tij, Mustafa Pashja i koalicionit “Bashkë Fitojmë” ka siguruar 4.677.

Ndërkohë numërimi vijon në Kuçovë, ku deri më tani janë numëruar 25 nga 65 kuti votimi. Vijon të kryesojë Lefter Maliqi i koalicionit “Bashkë Fitojmë” me 2800 vota, i cili ndiqet nga Kreshnik Hajdari i PS me 2538, ndërsa kandidati i Partisë Demokratike Ilirjan Koxhaj ka siguruar pak vota. Vetëm 232.

Si shkoi procesi i zgjedhjeve?

Shqipëria mbajti një ditë më parë (14 Maj) zgjedhjet vendore 2023. Qendrat e votimit u hapën në orën 07:00 dhe u mbyllën zyrtarisht në orën 19:00. Tashmë ka nisur procesi i numërimit në disa bashki. Për herë të parë në Kamëz, Vorë dhe Elbasan pati votim dhe numërim elektronik dhe në të treja këto bashki, fitues doli PS. 

Mbi 3.6 milionë qytetarë kishin të drejtë vote, për të zgjedhur 61 kandidatë për kryebashkiakë. Në 61 bashki të vendit ishin të hapura 5213 qendra votimi. Mbi 500 qendra votimi shfaqën probleme teknike me identifikimin biometrik, duke shkaktuar vonesa në votime.

zgjedhjet lokale 14 maj 2023

Sondazh

Poll