Politike

'Kanë hyrë në qendrat e votimit në Peshkopi'/ Kandidati i PS në Dibër denoncon kundërshtarin: Boll më me incidente! T'i lejmë qytetarët të votojnë

Në një deklaratë për mediat Spahiu i bëri thirrje kandidatit të opozitës që të mos ndërhyjë në zgjedhje dhe të shmangë incidentet, që qytetarët të votojnë të qetë. 

14 Maj 2023, 16:42 Nga a.l
'Kanë hyrë në qendrat e votimit në Peshkopi'/
Rahim Spahiu

DIBËR- Kandidati i Partisë Socialiste për Bashkinë e Dibrës, Rahim Spahiu, ka denoncuar në polici, kandidatin e koalicionit “Bashkë Fitojmë”, Ismail Luka, pasi ka qenë i pranishëm bashkë me shoqëruesit e tij në ambientet e qendrave të votimit. Në një deklaratë për mediat Spahiu i bëri thirrje kandidatit të opozitës që të mos ndërhyjë në zgjedhje dhe të shmangë incidentet, që qytetarët të votojnë të qetë. 

“Ju bëj me dije se kandidati i koalicionit “Bashkë Fitojmë”, Ismail Luka, së bashku me kryetarin e “Foltores” në Dibër dhe Çlirim Gjatën, që nuk e dimë se me çfarë statusi vjen në Dibër, kanë hyrë në të gjitha qendrat e votimit në qytetin e Peshkopisë. PS ka bërë një denoncim në drejtorinë rajonale të policisë Dibër, në KZAZ dhe në KQZ. Ju bëjmë thirrje këtyre personave të mos dalin në qendrat e votimit. Kemi qendrat e votimit konkrete ku këta kanë shkuar, te shkolla profesionale dhe kemi fotografi. I bëjmë thirrje boll me incidente Ismail Luka gjatë gjithë kohës së fushatës, tani t’i lejmë të qetë qytetarët dhe në fund të ditës të marrim vesh rezultatin”, tha Spahiu. 

zgjedhjet lokale 14 maj 2023

Sondazh

Poll

MË SHUMË